Psalms 69:8 - Holy Bible Nigerian Pidgin English

⁸ My own brodas dey trit mi like strenja; dem dey do like sey I kom from anoda kountry.

Psalms 69:8 Iomraidhean Croise

Psalms 31:11

All my enemies dey laf mi and my neighbours hate mi; even my friends dey fear to waka near mi and wen dem si mi dey kom, dem go rush pass anoda road.

Psalms 38:11

Pipol wey I love and wey bi my friends, dey run from mi, bikos dem dey fear my diziz. Even my own family membas stand for far dey look mi.

Psalms 89:51

Yor enemies dey laf and fool mi. Anywhere wey di king wey Yu anoint go, na so-so laf dem dey laf am.

Psalms 89:52

But with all dis tins wey dey happen, na God wi go praiz forever and ever! Amen and Amen!

Isaya 50:6

I dey open my back to pipol wey dey beat mi. I nor dey stop dem wen dem dey curse mi; even wen dem dey pul di hair wey dey my face komot.

Isaya 53:3

Pipol rijet am and dem nor like am at-all. E bear sofa and pain well-well. Nobody even sorry am and wi trit am like sey e nor mean anytin.

Isaya 53:4

But E bear di sofa and pain wey suppose bi awa own. But wi tink sey en sofa na di ponishment wey God gi-am.

Jeremaya 15:15

Den I ansa, “My God! Yu know as I dey sofa. Abeg make Yu remember kon help mi. Make Yu revensh doz wey dey tok bad against mi. Nor sorry for dem, so dat dem nor go kill mi. Make Yu remember sey na bikos of Yu, dem dey curse mi.

Matiu 26:56

Dis one happen so dat wetin di profets rite for di book go bi true. Den all di disciples kon run leave am.

John 1:11

E kom meet en own pipol, but dem nor wont am.

John 7:5

(Even en brodas nor bilive wetin Jesus dey do.)

1 Samuel 17:28

Wen en senior broda Eliab hear am dey tok to di men, e kon vex tell David, “Wetin make yu kom der? Na who yu sey make e guide doz sheep for di desert? I know sey yu like to show yorsef! Yu just kom here to wosh di fight!”