Psalms 53:5 - Holy Bible Nigerian Pidgin English

⁵ Fear go katch dem and na di kind fear wey dem neva si or hear before. God go skata yor enemies bones. God go disgrace dem, bikos E don rijet dem.

Psalms 53:5 Iomraidhean Croise

Job 15:21

Vois wey dey make pesin fear nor go leave dia ear and where dem feel sey dem dey save, tif go kom meet dem for der.

Psalms 14:5

So fear go katch dem, bikos God dey with di pipol wey dey obey am.

Psalms 141:7

Just as pesin dey klear and dig groun, na so too wiked pipol bones skata for dia grave mout.

Psalms 2:4

But di King wey dey heaven dey laf dem anyhow. Yes! God dey laf dem well-well.

Psalms 35:26

Make disgrace and shame follow pipol wey dey happy sey I dey sofa. Make nobody honor doz wey dey dance, bikos I dey sofa and make shame kover dem.

Psalms 35:4

Make shame and disgrace follow pipol wey dey try to kill mi; make Yu drive dem back and disgrace doz wey won wound mi.

Psalms 40:14

Make shame and disgrace follow di pipol wey dey try to distroy mi. Pipol wey dey happy bikos I dey sofa, make disgrace follow dem.

Psalms 73:20

So my God, wen Yu raiz-up, Yu go laf dia yeye plan; wey bi like dream wey dey vanish wen day break.

Proverbs 28:1

Wiked pesin dey run wen nobody dey porshu am, but honest pesin dey get heart like lion.

Jeremaya 49:15

God go make una weak among oda nashon and nobody go respet una again.

Jeremaya 6:30

Dem go koll dem yuzles silva, bikos mi wey bi God, don rijet dem.

Lamentashons 2:6

E distroy en temple like sey na vineyard kon skata where wi for dey woship am. God make Zion pipol forget dia festival and Sabat Day. Naw, kings and priests don fall, bikos E dey vex.

Ezekiel 6:5

I go skata Israel pipol dead body for evriwhere; I go skata dia bones round di altar.

Levitikus 26:17

I go turn against una kon make una enemies win and di pipol wey hate una, go rule una. Fear go katch una sotey una go dey run wen nobody dey porshu una.

Levitikus 26:36

“I go make some among una wey una enemies karry go dia land dey fear well-well, sotey if una hear leaf sound wey breeze blow, una go dey run. Una go run like sey dem dey porshu una for war and una go fall wen no enemy dey near una.

1 Samuel 14:15

Den fear kon katch di remainin Filistia sojas wey dey di kamp, field and evriwhere. Dem fear and di eart kon dey shake. Na God kause dis fear.