Psalms 51:14 - Holy Bible Nigerian Pidgin English

¹⁴ My God wey dey save pesin, make Yu forgive mi, bikos I don kill pesin; den I go sing about yor forgivenes with joy.

Psalms 51:14 Iomraidhean Croise

Jenesis 42:22

Reuben kon tell dem, “I nor tell una sey make una nor sin against di boy, but una nor gri listin to mi? So naw, wi must pay for di sin wey wi kommit!”

Jenesis 9:6

“Na as God bi, dem make man, so anybody wey kill pesin, na so too anoda pesin go kill-am.

2 Samuel 12:9

Wetin kon make yu disobey my kommand? Why yu do dis wiked tin? Yu kill Uriaya for war; yu allow Ammon sojas kill-am, den yu kon take en wife!

2 Samuel 21:1

Wen David bi king, strong honga kon dey and e last for three years. So David ask God and E ansa am sey, “Saul and en family dey guilty, bikos dem kill pipol. Dem kill Gibeon pipol.”

2 Samuel 3:28

Wen David hear wetin happen, e sey, “God know sey mi and my men hand nor dey Abner deat.

Ezra 9:13

Even afta di ponishment wey don happen to us bikos of awa sin, wi still know sey Yu, awa God, dey sorry for us, bikos even doh Yu dey ponish us, Yu still help us survive am.

Nehemaya 9:33

Yu still dey rite even wen Yu ponish us. Wi really don sin well-well and Yu give us di ponishment wey fit us.

Psalms 25:5

Make Yu tish mi, so dat I go know di trut, bikos na Yu bi di God wey save mi and evriday, I dey put my hope for yor hand.

Psalms 26:9

Make Yu nor let mi sofa with my enemies and nor kill mi with wiked pipol.

Psalms 35:28

Den I go tok about yor korrect judgement and I go praiz Yu forever.

Psalms 38:22

My God and Savior, make Yu kwik-kwik kom help mi.

Psalms 55:23

But Yu, my Oga God! Yu go send wiked pipol go di pit where distroshon dey. Doz wey dey kill pipol and doz wey dey lie, go kwik die, but as for mi, I go trust di Oga, wey bi my God.

Psalms 68:20

Awa Oga na God wey dey diliver; di God wey get pawa and wey fit save us from deat.

Psalms 88:1

My Oga God wey dey save mi. For day time, I dey kry give Yu and I still dey pray to Yu for nite.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 45:17

But God go save Israel and dia viktory go bi forever. Nobody go ever disgrace God pipol again.

Ezekiel 33:8

If I sey wiked pesin go die and yu nor warn am to shange, so dat e go save en life, den e kon die as sina, I go whole yu for en deat.

Daniel 9:16

Before-before, Yu dey defend us. So make Yu nor vex for Jerusalem again, bikos na yor town and holy hill, e bi. Doz wey dey stay near us, dey look Jerusalem kon dey laf yor pipol, bikos of awa sin and di wiked tins wey awa grand-grand papa dem do.

Daniel 9:7

“Awa God! Na only Yu dey do wetin dey rite, but dem dey disgrace us evriday, bikos Judah, Jerusalem and all di pipol wey Yu skata go evriwhere, nor gri listin to Yu.

Hosea 4:2

Dem nor dey keep di promise wey dem make. Instead, dem dey lie, kill, tif and sleep with oda pipol husband and wife. Na so-so wiked tins dem dey do and dem dey kill each oda evriday.

Habakkuk 3:18

I go still dey happy and sing for joy, bikos na Oga God dey guide mi.

Acts 18:6

Wen dem oppoz and curse am, e shake en dress kon sey, “Make una blood dey una head, bikos I nor do any bad tin and from today go, I go-go prish for Gentile pipol!”

Acts 20:26

So, I won tell una naw sey, nobody blood dey for my head.

Romans 10:3

as e bi sey dem nor know how God dey take make pipol good, instead, dem dey try to make demsef good by dia own pawa, since dem nor gri do wetin God wont.