Psalms 47:1 - Holy Bible Nigerian Pidgin English

¹ Evribody! Make una kom! Make una klap una hand! Make una shaut praiz God with klean mind!

Psalms 47:1 Iomraidhean Croise

2 Samuel 6:15

En and Israel pipol blow trumpet kon dey shaut as dem dey karry di box with happiness go Jerusalem.

2 Kings 11:12

Jehoiada bring di king pikin kom out kon crown and gi-am God laws. Den dem make am king, anoint am kon klap dey sey, “God save di king!”

2 Kronikles 13:15

Judah men and King Abijah wey dey lead dem kon shaut kry give God, so God kon help dem win Jeroboam and Israel sojas.

Psalms 106:47

Naw, my Oga God, make Yu kom save us! Make Yu gada us back from evriwhere wey wi skata go, so dat wi go tank yor holy name kon happy as wi dey praiz Yu.

Psalms 42:1

My God, just as deer dey find wota to drink, na so too I dey find Yu.

Psalms 46:1

Na God bi di strong place wey wi dey hide put and na-im dey help us wen wi dey trobol.

Psalms 47:5

God dey waka go en throne and pipol dey shaut and blow trumpet as E dey go.

Psalms 98:4

So make all di eart shaut to God; make all of dem bigin praiz and sing for joy!

Psalms 98:8

Make di rivers klap dia hand as dem dey praiz God. Make di hills sing dia song for joy

Isaya 55:12

Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Jeremaya 31:7

God even sey, “Make una sing and happy for Israel pipol; make una happy for di nashon wey great well-well. Make dem hear una praiz for evriwhere kon sey, ‘God, make Yu save yor pipol, diliver Israel pipol wey remain.’

Zefanaya 3:14

Una wey dey Zion, make una shaut! Israel pipol, make una shaut too! Jerusalem pipol, make una dey happy and boast with all una heart!

Zekaraya 4:7

“Even di strongest mountin nor go fit stand fight Zerubabel, bikos di mountin go turn ordinary groun for en front! And wen Zerubabel don put di final stone for where e suppose dey for di temple, di pipol go shaut, ‘Make God bless am! Make God bless di temple well-well!’ ”

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

1 Samuel 10:24

Samuel tell di pipol, “Una don si di pesin wey God don choose? True-true, nobody bi like am for di whole Israel!” All di pipol kon shaut, “Di king go stay forever!”