Psalms 41:9 - Holy Bible Nigerian Pidgin English

⁹ Even my best friend, di one wey I trust with evritin; pesin wey wi dey chop togeda, don turn against mi.

Psalms 41:9 Iomraidhean Croise

2 Samuel 15:12

As e dey offa sakrifice, e send message go Gilo town go koll Ahitofel, wey bi one among doz wey dey advise David. Dia plan against di king strong well-well and doz wey dey follow Absalom kon dey plenty more.

Job 19:13

“God don make my family far from mi; I don turn strenja to pipol wey know mi.

Job 19:19

My klose friends dey look mi with shame and di ones wey I love, don turn against mi.

Psalms 101:3

I nor go even tink to do bad tin and I nor go join pipol do bad tins.

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Obadaya 1:7

Doz wey dey help una go turn against una. Dem go help una enemies porshu una komot from una land. Even doh dem dey plan to deceive and distroy una, dem go promise una peace. Una friends wey una trust pass, go set trap for una and una nor go even know.

Mikah 7:5

So make una nor trust anybody; even if di pesin na una best friend or wife!

Matiu 26:23

Jesus ansa dem, “Di pesin wey go put hand inside plate with mi, na-im go sell mi.

John 13:18

“Wetin I dey tok so nor koncern all of una, bikos I know di pipol wey I choose. Dis show sey God word na true sey, ‘Di pesin wey follow mi chop don turn to my enemy.’

Deutronomi 32:15

But Israel pipol kon fat and wiked more-more. Di pipol kon heavy, round and tick for body! Dem forget God wey kreate dem; den kon rijet di Rock wey bi dia salvashon.