Psalms 39:5 - Holy Bible Nigerian Pidgin English

⁵ Si! Yu don make my life short well-well and my whole life bi like one sekond to Yu. True-true, evribody life just bi like breeze wey dey blow pass.”

Psalms 39:5 Iomraidhean Croise

Jenesis 47:9

Jakob ansa Fero, “I don stay for more dan one hundred and thirty years. And all di years wey I don spend for dis life nor many, but e nor dey eazy; di years wey I don stay, nor many rish di years wey my grand-grand papa dem stay.”

2 Samuel 19:34

But Barzillai ansa. “I nor go dey dis life tey again, why I go follow my king go Jerusalem?

Job 7:6

My days just dey run kwik-kwik like moto; but for di end, I nor get hope.

Psalms 144:4

Wi just bi like air wey dem dey breath; awa days bi like shadow wey dey fade go.

Psalms 39:11

Wen Yu ponish us for awa sins, Yu dey remove awa pawa like rat wey dey chop pesin food. But each of us, na just breeze wey dey blow pass.

Psalms 62:9

Human being bi like ordinary dirty wey breeze dey blow and pipol wey feel sey dem strong, nor get pawa at-all. If yu go measure dem for skale, all of dem togeda nor heavy rish air.

Psalms 89:47

Make Yu remember how my life short rish and how human being life empty and nor mean anytin!

Psalms 90:12

So make Yu tish us, so dat wi go know sey wi bi ordinary human being, den awa wisdom go dey grow more-more.

Ekklesiastes 1:2

Di tisha sey, “Evritin dey yuzles! Yes, evritin really dey yuzles!”

Ekklesiastes 2:11

But as I sidan dey tink of evritin wey I don do, I si sey all of dem dey yuzles. Dem bi like wen pesin dey porshu breeze! E nor really get anytin wey pesin fit gain for dis world.

Isaya 40:17

All di nashons nor mean anytin to am at-all. For God eye, dem nor mean anytin at-all.

James 4:14

but yu nor know tumoro. Wetin yor life bi like? Yu bi like smoke wey dey kom out from fire. Pipol go si am, den small time e go vanish.

2 Pita 3:8

Naw, my friends, make una nor let dis tin pass una, bikos one day bi like 1,000 years for God eye and 1,000 years bi like one day.