Psalms 34:3 - Holy Bible Nigerian Pidgin English

³ Kom make wi tok about how God great rish; kom make wi praiz en name togeda.

Psalms 34:3 Iomraidhean Croise

1 Kronikles 16:10

Make una boast about en name wey dey holy! Doz wey dey serve am, make una happy!

1 Kronikles 29:20

Den David kommand en pipol, “Make una praiz di Oga wey bi una God!” And all di pipol praiz di Oga wey bi dia papa God kon bow honor en and di king.

2 Kronikles 29:30

King Hezekaya and all di ofisas tell Levi pipol sey make dem use David and Profet Asaf psalms take praiz God and dem kon dey happy as dem dey praiz and woship God.

Psalms 35:27

But make Yu give joy and happiness to pipol wey dey help mi. Make dem always dey sey, “God dey great and E wont make en savant dey save!”

Psalms 40:16

But pipol wey dey find Yu, make joy and gladness full dia heart. Make doz wey love yor salvashon always dey shaut sey, “God dey great!”

Psalms 66:8

Make di whole world bless awa God! Make dem shaut tell evribody about en praiz.

Psalms 69:30

I go sing and praiz God name! I go dey praiz am as I dey tank am!

Psalms 69:33

God dey listin to doz wey nor get help and E nor go forget en pipol wey dem dey ponish.

Jeremaya 9:23

God sey, “Make wise pipol nor dey boast, bikos dem wise and make doz wey strong, nor boast sey dem get pawa. Make doz wey get money, nor boast with di money wey dem get.

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Luke 1:46

Mary kon sey, “My heart go praiz God

Acts 19:17

Wen evribody wey dey stay Efesus, both Jew and Greek, hear di story, fear katch dem and Jesus Christ name kon dey reign.

Filippians 1:20

Di hope wey I get bi sey, shame nor go ever fit katch mi; my heart go strong well-well and as I dey do naw, na so I go always dey do. Evritin for my body go praiz Christ, weda I dey alive or I don die.

Revelashon 14:7

Di angel kon shaut: “Make una dey fear and give God glory, bikos di time wey E go judge di world, don rish. And make una woship di Pesin wey make heaven, eart, sea and where wota from dey flow!”