Psalms 27:14 - Holy Bible Nigerian Pidgin English

¹⁴ So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 27:14 Iomraidhean Croise

Jenesis 49:18

My Oga God, I trust Yu sey, Yu go save mi!

Psalms 130:5

So, I put my hope for God hand, I trust am with my whole life and I dey wait for en word wey nor dey fail.

Psalms 138:3

Wen I pray, na wons Yu dey ansa mi! Yu enkourage mi kon give mi strent.

Psalms 25:21

As I dey loyal and honest rish, Yu dey protet mi, bikos na Yu bi my hope.

Psalms 25:3

Nobody wey trust Yu dey si disgrace, but disgrace na for doz wey dey try to deceive odas.

Psalms 31:24

So evribody wey put dia trust for God hand, make una nor fear, instead make una get strong mind!

Psalms 33:20

Na God bi awa hope. Na-im dey help and guide us.

Psalms 37:34

So make yu put yor hope for Oga God. Make yu dey always waka for en ways and E go honor yu wen E give yu dis land, den yu go si as E dey distroy wiked pipol.

Psalms 37:7

So, make yu wait for God with patient! Make yu get mind as yu dey wait am! Make yu nor worry about wiked pipol wey dey prosper or fear, bikos of wetin dem get.

Psalms 40:1

I wait with patient make God kon help mi, and E turn kon hear my kry.

Psalms 62:1

I dey kwayet dey wait, bikos na God dey diliver mi.

Psalms 62:5

But my soul and body dey kwayet dey wait for God, bikos na-im dey make my heart strong.

Proverbs 20:22

Nor do bad to pesin wey do yu bad, but make yu trust God and E go save yu.

Isaya 25:9

Wen all dis tins dey happen, pipol go sey, “Look! Make una si God for here! Wi wait for am and E don kom diliver us. Si God for here! Wi really wait for am. So make wi rijoice and dey happy bikos E don save us.”

Isaya 26:8

My Oga God! Wi dey wait for Yu as Yu dey judge us. Yes! Na yor greatness and as Yu dey do yor tins, dey make us grow.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Isaya 8:17

I go really wait for God wey don rijet Jakob family; I go wait for am.

Lamentashons 3:26

So e betta make wi sidan kwayet kon wait until God go kom save us.

Habakkuk 2:3

Make yu rite am even doh e neva rish time for di vishon to happen. But di time go soon rish and wetin I show yu, go happen. E fit bi like sey e nor go happen, but make yu wait; e go must happen and e nor go tey again.

Luke 2:25

One man dey Jerusalem wey en name bi Simeon and di Holy Spirit dey inside am. Di man dey fear God and dey do wetin God like and e dey wait for di time wen God go free Israel.

Luke 2:38

For dat time, e kom meet Josef, Mary, di pikin and Simeon kon bigin tank God, dey tok about di pikin give evribody wey dey wait for di time wen God go free Jerusalem.

Acts 28:15

Wen di brodas for Rome hear about us, dem waka until dem rish “Appius Forum” and di “Three Taverns” kom meet us. Wen Paul si dem, e tank God and di tin kon make en heart strong well-well.

Romans 8:25

But if wi put hope for wetin wi nor fit si, wi go take all awa mind wait for am with patient.

1 Korintians 16:13

Make una shine una eye and dey strong for una faith and stand with boldness.

Efesians 3:16

I dey pray sey as en glory big rish, E go make una strong well-well with pawa thru en Spirit wey bi di really pesin inside una.

Efesians 6:10

Finally, make una dey strong with Christ mighty pawa.

Filippians 4:13

I fit do evritin thru Christ wey dey give mi pawa.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.