Psalms 20:7 - Holy Bible Nigerian Pidgin English

⁷ Some nashon dey make mout and trust dia shariot and sojas, but na awa Oga God name wi take dey boast.

Psalms 20:7 Iomraidhean Croise

2 Samuel 10:18

Israel sojas kon porshu Siria sojas go back. David with en men kill 7,000 war horse-men and 40,000 sojas wey dey waka with leg. Dem still kill Shobak wey dey kommand Siria sojas.

2 Samuel 8:4

David seize 1,000 seven hundred horse-men and 20,000 sojas wey dey waka for groun. E keep like one hundred horse kon cripple di rest.

2 Kronikles 13:16

Israel pipol run from Judah sojas and God kon let Judah men win dem well-well.

2 Kronikles 14:11

King Asa pray to di Oga wey bi en God sey, “My Oga God! Na Yu dey make weak pipol strong. Wi dey go fight dis many sojas, bikos wi bilive sey Yu go help us.”

2 Kronikles 32:8

Na only human being pawa dem get, but di Oga wey bi awa God dey with us and E go help us fight all awa war.” So, wetin King Hezekaya tok kon make di sojas get strong heart.

Job 39:11

Yu sure sey e go gri use en pawa take do yor heavy work?

Psalms 28:8

God dey give en pipol strent and en king dey save, bikos E dey protet am.

Psalms 45:17

I go make evry generashon honor and remember yor name and pipol go praiz yu forever and ever.

Proverbs 21:31

Pesin fit ready en horse sey e dey go fight war, but na only God go gi-am viktory.

Isaya 30:16

Instead, una sey, ‘No! Wi go enter awa horse kon run,’ and true-true, una go run. Una sey, ‘Wi go run with di horse wey fast pass,’ but doz wey dey porshu una, go fast pass una.

Isaya 31:1

Pipol wey dey go Egypt for help, curse dey dia head! Dem dey put dia hope for di plenty sojas, ordinary horse and shariot wey Egypt get. But dem nor trust Israel God or kom meet am make E help dem!

Jeremaya 17:5

God sey, “I go curse di pipol wey leave mi kon go trust human being. Pipol wey depend on flesh and blood for dia pawa.

1 Samuel 13:5

Filistia pipol gada to fight Israel pipol; dem get 3,000 shariot, 6,000 men for horse and dia sojas plenty like san-san wey dey wotaside. Dem kon go kamp for Mikmash wey dey di east side for Bet-Aven.

1 Samuel 2:10

God go skata en enemies; E go skata dem with tonda from heaven. God dey judge di world from biginnin go rish di end. E go give en king pawa kon honor di one wey E anoint.”