Psalms 20:6 - Holy Bible Nigerian Pidgin English

⁶ Naw, I know sey God dey save di king wey E anoint. E ansa di king from en heaven wey dey holy kon save am with en great pawa.

Psalms 20:6 Iomraidhean Croise

1 Kings 8:30

Make Yu hear mi anytime wey I face dis temple dey pray. Make Yu hear and forgive us from where Yu dey for heaven.

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

Psalms 17:7

Make Yu use yor wonders take show mi yor love wey nor dey fail. Yu don save doz wey kom meet Yu for help. Yu save dem from dia enemies with yor mighty pawa.

Psalms 18:35

My God, Yu don give mi wetin go protet mi. Yor rite hand dey support mi and I don dey strong, bikos of di way wey Yu dey help mi.

Psalms 18:50

Yu don give betta viktory to yor king; Yu don show yor love wey nor dey fail to David wey Yu anoint and to en shidren-shidren forever.

Psalms 2:2

Di kings for di world gada with rulers kon dey plan against God and di king wey E choose.

Psalms 28:8

God dey give en pipol strent and en king dey save, bikos E dey protet am.

Psalms 41:11

Like dis, I know sey I dey make belle sweet Yu, bikos Yu neva let my enemies win mi.

Psalms 9:15

Wiked pipol don fall enter di pit wey dem dig for odas. Di trap wey dem set, don katch dia own leg.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 58:9

Wen una pray, I go ansa una. Wen una koll mi, I go hear una. If una stop to opress pipol and tok wiked words kon stop wiked tins;

Isaya 63:15

Oga God! Make Yu look us from heaven, yor holy place where Yu dey stay wey get glory. Where yor pawa and strong mind dey? Where yor love and mesi dey? Make Yu nor leave us at-all.

Mikah 4:5

Even doh di nashons around us dey serve dia juju, wi go woship and obey di Oga awa God forever and ever.

Matiu 6:9

“So make una pray like dis: “ ‘Awa Papa wey dey for heaven, wi praiz yor name,

Acts 2:33

Bikos God don promote am make e dey en rite hand and e don receive di Holy Spirit wey en Papa promise and naw, e don pour di Holy Spirit for awa body, as una si am dey happen so.

Acts 2:36

So Israel pipol, make una know sey, God don turn dis Jesus Christ wey una kill, to bi Oga God and Mezaya.”

Acts 4:10

My pipol and di oga dem for Israel, make una know sey, Jesus Christ wey kom from Nazaret, di pesin wey una kill and God raiz am from deat, naim name make dis man wey una dey si so, well.

Acts 5:31

But God don promote am sey make e sidan for en rite hand kon gi-am big pozishon as Oga God and di Pesin wey go save di world, so dat Israel shidren go turn from dia sin kom meet God make e forgive dem.