Psalms 16:3 - Holy Bible Nigerian Pidgin English

³ Na doz wey dey fear God for dis land, I dey respet pass! I dey happy to si and listin to dem.

Psalms 16:3 Iomraidhean Croise

2 Kronikles 6:41

My Oga God, make Yu and di box wey dey show as yor pawa bi, enter and stay dis temple forever! Make yor priests si as Yu dey diliver pipol! Make doz wey dey obey Yu happy for di blessings and propaty wey Yu dey give!

Psalms 101:6

I go favor di good pipol wey dey di land and dem go kom stay with mi. Na only doz wey nobody dey tok bad about, go serve mi.

Psalms 116:15

God dey kare for en pipol and E dey pain am well-well wen di ones wey E love, dey die.

Psalms 119:63

Na pipol wey dey fear Yu bi my friends; doz wey dey obey yor kommand.

Psalms 122:8

Bikos of my family and friends, I go sey, “Make peace follow yu.”

Psalms 30:4

All of una wey dey fear God, make una sing to am!

Proverbs 12:26

Doz wey dey fear God dey advise dia friends well, but wiked pipol dey lead dem enter wahala.

Proverbs 13:20

Follow who get sense waka, so dat yu go get sense too; but if yu waka with foolish pipol, na trobol go follow yu.

Proverbs 8:31

I dey dance for di world wey E kreate kon dey happy with human being too.

Song of Songs 7:10

I bilong to my love and e don take mi as en own.

Isaya 62:4

Dem nor go koll una “Pipol wey dem rijet again” or koll una land, “Di wife wey en husband drive komot house.” But dis na di new name wey dem go koll una, “God dey happy with una.” Dem go tell una land sey: “Yu marry well.” Dis na bikos God dey happy with una and E go bi like husband to una.

Malakai 3:17

Oga God sey, “Dem go bi my pipol. For di day wey I go kom judge di world, na dem go bi my own. I go sorry for dem, just as papa dey sorry for en pikin wey serve am.

Acts 9:13

But Ananias ansa, “Oga God, many pipol don tell mi about dis man and all di wiked tins wey e don do to yor pipol for Jerusalem.

Galatians 6:10

So anytime wey wi get shance, make wi dey do good, especially to pipol wey bi God shidren.

Efesians 1:1

Dis leta na from Paul, wey bi Jesus Christ apostle, bikos na so God wont am. I dey rite to God pipol wey dey for Efesus, di ones wey dey follow Jesus Christ with faith.

Titus 3:8

Dis word wey I dey tok so na trut and I wont make yu make sure sey evribody wey trust God dey do good. Dis tishing dey good and e go help evribody.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.