Psalms 15:5 - Holy Bible Nigerian Pidgin English

⁵ Some pipol dey borrow money give odas without intrest and dem nor dey kollect bribe to lie for pesin head. Di pipol wey dey do dis kind tins, go stand gidigba forever.

Psalms 15:5 Iomraidhean Croise

Psalms 106:3

Joy dey for pipol wey dey do well and always dey do wetin dey rite.

Psalms 112:6

Evil nor go fit kill doz kind pipol. Pipol wey dey raitious and good, pipol dey always remember dem.

Psalms 16:8

I don make God nomba one for evritin wey I dey do and bikos E dey for my rite side, I nor go shake or fear anytin.

Psalms 55:22

So make una give all una trobol to God, bikos E kare about una. E nor go allow pipol wey dey obey am, draw fall for groun.

Exodus 22:24

I go vex and kill una with swod and una wifes go turn who nor get husband again; una pikin nor go get papa too.

Exodus 22:25

“If una borrow money give poor pipol wey dey among una, make una nor do like sey una borrow money and make una nor add join di money wen dem won pay back.

Proverbs 10:30

Raitious pipol go always dey save, but wiked pipol nor go stay long for dis world.

Proverbs 12:3

Wikedness nor dey pay pesin, but nor-tin dey shake good pipol.

Proverbs 15:27

Long-trot dey kill pesin family finish, but doz wey hate bribe, go get long life.

Isaya 33:15

Di pesin wey dey do and tok wetin dey rite; wey nor dey shit poor pipol, bikos e get pawa and wey nor dey take bribe, join doz wey kill pipol or join do bad tins,

Ezekiel 18:17

and nor gri do wiked tins or borrow pipol money to get gain. But dey keep my law and obey my kommand. E nor go die, bikos of en papa sin, but e go get long life.

Ezekiel 18:27

Na so too, wen wiked man stop to sin kon dey do wetin dey rite and good, e go save en life,

Ezekiel 18:8

E nor dey borrow pipol money so dat e go get gain. E nor dey do bad tins and e dey judge matter well.

Ezekiel 22:12

Some of una dey kill pipol, bikos of money. Some dey put intrest for di money wey dem borrow dia kountry man and dem dey get plenty gain thru dat one. Dem don forget mi.” Dis na wetin God wey get pawa tok.

Mikah 7:3

Dia hand dey only like to do bad tins! Doz wey bi ofisas and judge, na only bribe dem wont. Doz wey get pawa, dey use am get wetin dem wont.

Matiu 26:15

kon tell dem, “Wetin una go give mi, if I sell Jesus Christ give una?” So dem kon kount thirty silva koins gi-am.

John 13:17

Since una know wetin I dey tok, God go bless una, if una do dem.

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

Deutronomi 23:21

Wen una make promise give di Oga una God, make e nor tey before una do wetin una promise, if not, God go hold una sey una don sin.

1 Samuel 12:3

Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”