Psalms 143:11 - Holy Bible Nigerian Pidgin English

¹¹ My God, make Yu save mi, bikos of di glory wey dey yor name. Save mi from dis wahala, bikos of yor faithfulnes.

Psalms 143:11 Iomraidhean Croise

Psalms 119:107

My God, I don sofa well-well; so make Yu save my life just as Yu promise.

Psalms 119:25

I liedan dey roll for dust; so make Yu save mi with yor word.

Psalms 119:37

Make Yu help mi take my eyes komot from tins wey nor mean anytin and give mi life thru yor word.

Psalms 119:40

I dey wait since to obey yor kommand, so make Yu make my life new again, bikos Yu good well-well.

Psalms 119:88

So make Yu save my life with yor love wey nor dey fail; den I go kontinue to obey yor laws.

Psalms 138:7

Even doh trobol gada round mi, Yu still kom save mi. Yu protet mi from my enemies wey dey vex for mi and yor rite hand kon save mi.

Psalms 143:1

My God, make Yu hear my prayers; make Yu listin as I dey pray! Make Yu ansa mi, bikos Yu dey good and evritin wey Yu dey do, dey rite.

Psalms 25:11

My God, bikos of di honor wey yor name get, make Yu forgive mi my many-many sins.

Psalms 25:17

My problems dey worse evriday. So, make Yu save mi from wahala!

Psalms 31:1

My God, na Yu dey protet mi; so make Yu nor let pipol disgrace mi. Make Yu save mi, bikos Yu dey always do di rite tin.

Psalms 34:19

Pipol wey dey do wetin dey rite, dey face trobol well-well, but God go save dem from all dia wahala.

Psalms 71:2

Make Yu kom take and save mi, bikos Yu dey do wetin dey rite. Make Yu listin and diliver mi.

Psalms 85:6

Yu nor go revive us again so dat yor pipol go happy bikos of Yu?

Habakkuk 3:2

My God, I don hear evritin wey Yu do and e sopraiz mi well-well. Even naw for awa time, make Yu still do dat wonderful tin wey Yu do before. Even wen Yu dey vex, make Yu sorry for us.