Psalms 135:6 - Holy Bible Nigerian Pidgin English

⁶ E dey do anytin wey E like for heaven and eart, both for under di sea and ocean too.

Psalms 135:6 Iomraidhean Croise

Job 42:2

“I know sey na Yu get pawa pass! Yu fit do anytin wey Yu won do and nobody fit stop!

Psalms 115:3

Awa God dey for heaven and E dey do wetin E like.

Psalms 33:11

But God plan go stand forever; wetin E plan, nor go shange at-all.

Psalms 33:9

Bikos na afta E tok, di world start! As E kommand, di world kon appear at wons.

Isaya 46:10

I know di end from di biginnin and na from wen I kreate di world I don dey tok tins before dem happen. I sey na as I plan am, na so e go bi and I go do am as I wont am.

Daniel 4:32

Dem go drive yu komot from where human being dey and yu go stay with animals. Na seven years yu go take chop grass like melu kon sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.”

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Amos 4:13

“Na mi God kreate di mountins and breeze. I allow human being know wetin I dey tink. Na mi dey bring darkness to take kover lite and I dey waka on-top di hill. Na mi bi God and na mi get all di pawa.”

Amos 9:6

God build en house for di heavens and put di foundashon for dis eart. E draw di wota wey dey di sea kon pour am for di eart. En name na God!

Matiu 14:25

For early morning, Jesus kon dey waka go meet en disciples on-top di wota.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.