Psalms 132:2 - Holy Bible Nigerian Pidgin English

² E make promise give Yu and E vow give di Oga wey bi Israel God sey,

Psalms 132:2 Iomraidhean Croise

Jenesis 49:24

But en bow go dey strong and e nor go move and e hand go sabi work bikos of Jakob God, di Shepad, wey bi di Rock for Israel,

2 Samuel 7:1

Den King David kon go stay en house. And God keep am save from en enemies.

2 Samuel 7:2

One day, e koll Profet Natan kon sey, “I dey stay dis house wey dem build with cedar, but God Kovenant Box, dey for tent!”

1 Kronikles 28:2

David stand for dia front kon sey, “My kountry pipol, make una listin to mi. I bin won build betta house for God Kovenant Box, where God go stay. I don prepare tins to take build betta temple for God.

Psalms 119:106

I don first promise and I dey promise again sey; I go always dey obey all yor kommandment.

Psalms 132:5

until I find di place where I go build God house put; one big temple for di Oga God wey dey save Israel.”

Psalms 46:11

God wey dey lead heaven sojas dey with us and na Israel God dey protet us.

Psalms 50:1

Di Almighty One wey bi God don tok; E don gada evribody rite from where di sun for dey raiz go rish where e for dey go down.

Psalms 56:12

My God, I go do wetin I vow to give Yu and tank Yu, bikos of how Yu dey help mi.

Psalms 65:1

My God wey dey Zion, na betta praiz dey wait Yu, bikos yor pipol dey do wetin dem promise.

Isaya 49:26

I go make pipol wey dey opress una, chop dia own flesh; dem go drink dia own blood like wine. Den evribody go know sey mi, wey bi God, na-im bi di Pesin wey save and free una. Dem go know sey, na mi bi di mighty God for Israel.”

Isaya 60:16

Nashons and kings go kare for una as mama dey kare for en pikin. Den, una go know sey, mi wey bi God, don save una. Israel God wey get pawa don free una.