Psalms 13:4 - Holy Bible Nigerian Pidgin English

⁴ Make Yu nor let my enemies dey make mout sey, “Wi don win am!” Den dem go dey happy sey I don fall.

Psalms 13:4 Iomraidhean Croise

Ezra 9:8

“But naw, for dis short time, awa Oga God, Yu don trit us well kon stop some of us to bi slave and wi dey live for peace for dis Holy Place. Yu don remove us from slave work kon give us new life.

Psalms 10:11

Wiked pipol dey sey, “God nor dey si us! E don klose en eye and E nor go even fit si wetin wi dey do!”

Psalms 112:6

Evil nor go fit kill doz kind pipol. Pipol wey dey raitious and good, pipol dey always remember dem.

Psalms 25:2

Na only Yu I trust, so make Yu nor let pipol disgrace mi or allow my enemies happy wen I fall.

Psalms 35:19

Make Yu nor let my enemies happy sey dem win mi. Make Yu nor let pipol wey hate mi, even doh I nor do anytin, happy bikos I dey sofa.

Psalms 35:25

Make Yu nor let dem sey, “Si, wi don get wetin wi wont! Wi go chop am alive!”

Psalms 38:16

I dey pray, “Make Yu nor let my enemies happy, bikos I fall for groun.”

Psalms 55:22

So make una give all una trobol to God, bikos E kare about una. E nor go allow pipol wey dey obey am, draw fall for groun.

Psalms 62:2

Na-im bi my Rock and Salvashon; di place where I dey hide put and I nor go fear or shake.

Psalms 62:6

Na-im bi my Rock and Salvashon; di place where I dey hide put and I nor go fear or shake.

Psalms 9:19

My Oga God, make Yu raiz-up! Nor let wiked pipol win! Make Yu kom judge di nashons.

Proverbs 12:3

Wikedness nor dey pay pesin, but nor-tin dey shake good pipol.

Jeremaya 1:19

Dem go attack yu, but dem nor go fit win yu, bikos I go dey der to save yu. Mi, wey bi God, don tok.”

Lamentashons 1:16

Bikos of dis tins; I kry well-well, but nobody dey to konfort or give mi hope. My shidren nor get future, bikos awa enemies don win us.

Joshua 7:9

Wen Kanaan pipol and evribody wey dey stay di land go hear wetin happen so, all of dem go kom distroy us and nobody go remember us. My Oga God, wetin Yu go do to keep yor respet?”