Psalms 12:3 - Holy Bible Nigerian Pidgin English

³ Make God kut di tongue wey dey tok anyhow kon distroy di mout wey dey boast!

Psalms 12:3 Iomraidhean Croise

Job 32:22

I nor sabi praiz pesin anyhow, bikos God go ponish mi, if I do like dat.

Psalms 116:11

As I dey vex, I kon sey, “Evribody dey lie well-well!”

Psalms 140:12

But I know sey God go help di pipol wey dem dey opress kon judge well for poor pipol.

Psalms 17:10

bikos dem nor dey sorry for pesin. Make Yu hear as dem dey boast!

Psalms 55:22

So make una give all una trobol to God, bikos E kare about una. E nor go allow pipol wey dey obey am, draw fall for groun.

Exodus 15:9

Di enemies sey, ‘I go porshu, katch, divide dia propaty kon take evritin wey I wont. I go distroy dem with my swod.’

Proverbs 18:21

Wetin yu tok fit save or distroy yor life. So yu must asept di result of wetin yu tok.

Proverbs 26:24

Pesin wey hate odas and dey pritend sey e like dem, na wikedness full en heart.

Isaya 10:10

Even kingdoms wey dia juju strong and fine pass Jerusalem and Samaria own, I still distroy dem.

Isaya 59:4

Una dey go kourt and dey lie for each oda head. Una dey put hope for lie, so dat una go win una kase. Una dey make plans to take hurt oda pipol.

Jeremaya 12:6

Even yor own brodas and family dey against yu; dem don join doz wey won kill yu. Make yu nor trust dem, even doh dem dey trit yu well.”

Jeremaya 9:8

Dia mout sharp like arrow and na so-so lie full am. Dem dey tok well with dia neighbours, but for dia mind, na trap dem dey set for di pesin.

Ezekiel 28:2

“Man pikin, go tell Tyre king wetin mi God wey get pawa dey tell am: “Yu dey proud and yu dey sey yu bi god wey sidan for throne and sea dey round yu. Yu fit pritend sey yu bi god, but make yu know sey na human being yu bi and nor bi wetin yu tink.

Ezekiel 28:9

Wen dem dey kom kill yu, yu go still tok sey yu bi god? By di time yu go si di pipol wey won kill yu, yu go know sey yu nor bi god, but na ordinary human being yu bi.

Ezekiel 29:3

Tell am sey dis na wetin God wey get pawa dey tok: “Yu wey bi juju for wota, I bi yor enemy naw. Yu sey na yu get and kreate Nile River abi?

Daniel 7:25

E go tok against God kon opress anybody wey dey serve God. E go try to shange laws, festivals and di pipol wey dey serve God, go dey under am for three and half years.

Daniel 7:8

“As I still dey look di horn, I si anoda small horn dey kom out from di big wons and three of di former horn kom skata make dis ones for fit kom out. Dis horn get eye wey bi like human being own and mout wey e take dey tok anyhow.

Malakai 3:13

God sey, “Una don tok bad-bad tins against mi. But una dey ask, ‘Wetin wi tok?’

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Jude 1:16

Dis pipol dey komplain waka and dey find fault. Dem dey go anywhere wey dia body karry dem go and dem dey boast. Dem dey tok wetin pipol like to hear, so dat odas go praiz dem.

Revelashon 13:5

Dem give di beast mout wey dey tok bad-bad words. Di beast dey curse God and e rule for forty-two monts.

1 Samuel 2:3

Make una stop to tok anyhow; make betta word dey kom out from una mout, bikos di Oga God na God wey know evritin wey pipol dey do.