Psalms 112:4 - Holy Bible Nigerian Pidgin English

⁴ Even for darkness, lite dey shine for pipol wey dey fear God. Dem dey good, dey sorry for pipol and dem get respet.

Psalms 112:4 Iomraidhean Croise

Job 11:17

Yor life go shine pass aftanoon sun and di dark hours for life, go give yu morning lite.

Job 22:28

Yu go prosper for evritin wey yu dey do and lite go shine for yor way.

Job 29:3

Dat time, God always dey with mi and E dey give mi lite wen I dey waka for darkness.

Psalms 106:1

Make wi praiz God! Make wi tank am, bikos E dey good! E love wey nor dey fail, dey forever.

Psalms 116:5

Naw, make una si as God kind and good rish! Dis awa God too dey pity for pesin!

Psalms 145:17

God dey rite for evritin wey E dey do; na goodness full en body.

Psalms 37:6

E go show sey yu dey innocent kon defend yu for publik.

Psalms 97:11

Pipol wey dey fear God, lite dey shine for dia body and doz wey get pure heart, dey always happy.

Proverbs 21:21

Make yu dey do good and tok trut and yu go get long life; den odas go respet and trit yu well.

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 58:10

if una give food to pipol wey dey hongry kon satisfy doz wey nor get, di darkness wey dey round una, go brite like aftanoon sun.

Isaya 58:8

Den my favor go shine for una body like morning sun and una sore go kwik heal. I go always dey to save una and my present go protet una for evriwhere.’

Malakai 4:2

But for una wey dey fear my name, my sun wey dey give life go shine and heal una. Una go dey free kon dey happy like melu pikin wey dem open en kage make e for go play.

Luke 6:36

So, make una dey show mesi, just as una Papa dey show mesi.”

John 12:46

I kom as lite for dis world, so dat anybody wey go bilive mi nor go waka inside darkness.

Efesians 4:32

Make una dey good to one anoda; dey sorry for pipol and dey forgive each oda, just as God forgive una thru Christ.

Efesians 5:15

Make una dey kareful as una dey live una life. Make una nor bi like pipol wey nor get sense.

Efesians 5:9

bikos di fruit wey lite get, dey bring goodness, raitiousness and trut.

1 John 2:29

If una know sey E dey raitious, den una go know sey, doz wey dey do wetin God wont, na en shidren dem bi.

1 John 3:10

Na like dis una go take know God and devil shidren. Pesin wey nor dey do wetin good for God eye and nor love en broda or sista for Christ, nor bi God pikin.

1 John 3:7

So my shidren, make una nor let anybody deceive una: If pesin dey do wetin good for God eye, dat show sey dat pesin dey good, just as Christ dey good for God eye.