Psalms 11:7 - Holy Bible Nigerian Pidgin English

⁷ God dey good and E dey judge well; so E go favor doz wey dey do good too.

Psalms 11:7 Iomraidhean Croise

Job 36:7

E dey protet good pipol; E dey let dem live like kings and pipol dey respet dem forever.

Psalms 146:8

God dey open blind pipol eyes kon karry doz wey dey weak, go up. God love pipol wey dey fear am.

Psalms 17:15

Bikos I dey raitious, I go si Yu. Wen I don leave dis world kom meet Yu, I go si Yu face-to-face and belle go sweet mi.

Psalms 21:6

Yor blessing bi like klot for en body and Yu gi-am joy for yor present.

Psalms 33:18

But God dey guide doz wey dey fear am; doz wey bilive en love wey nor dey fail.

Psalms 33:5

E love anytin wey dey rite and good; God love wey nor dey fail, full di eart.

Psalms 34:15

Pipol wey dey do wetin dey rite, God eye nor dey komot from dia body and en ear dey open to hear wen dem kry for help.

Psalms 37:28

Bikos God like to dey judge well and E nor go ever leave doz wey dey fear am.

Psalms 42:5

But wetin make mi nor get mind? Wetin make my heart nor happy at-all? I go put my hope for God hand! I go praiz am again, bikos na-im bi my Savior and my God!

Psalms 45:7

Yu love wetin dey rite kon hate wiked tins. So Oga wey bi yor God don anoint yu as E pour en oil for yor head kon make yu high pass any oda pesin.

Psalms 45:8

Na myrrh, aloe and kassia dem spray as perfume for yor klot. Dem dekorate yor palis with ivory and na harp dem take dey entertain yu for der.

Psalms 5:12

My God, true-true, Yu dey reward doz wey dey fear Yu. Yu dey always protet dem well-well, bikos of yor favor wey nor dey end.

Psalms 7:11

God dey judge well. E dey vex for wiked pipol evriday.

Psalms 7:9

Make Yu stop di bad tins wey wiked pipol dey do kon defend doz wey dey good, bikos my God wey dey good, know wetin dey pipol mind and heart.

Psalms 99:4

Di king dey strong; E love to judge well. God dey make sure sey dem judge evry kase well. Na Yu make betta judgement and raitiousness dey for Israel land.

Proverbs 15:9

God nor like evritin wey wiked pipol dey do, but E love doz wey dey do good.

Isaya 61:8

God sey, “I like betta judgement, but I hate opreshon and wahala. I go dey faithful to reward my pipol and make kovenant wey go last with dem.

1 Pita 3:12

God dey si di pipol wey dey do good and en ear dey open to hear dia prayers. But E dey against pipol wey dey do bad.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

Revelashon 22:4

Dem go si en face and en name go dey dia fore head.