Psalms 103:5 - Holy Bible Nigerian Pidgin English

⁵ E satisfy awa life with good tins and even as wi still dey yong, awa life strong like eagle own.

Psalms 103:5 Iomraidhean Croise

Job 33:25

En body go kom yong and strong again like small pikin own.

Psalms 104:28

Yu give dem food and dem kollect am; Yu open yor hand to feed dem and dem chop beleful.

Psalms 107:9

Bikos E dey give wota to pipol wey nid am and food to doz wey dey hongry.

Psalms 23:5

E dey give mi food to chop for my enemies present. E pour oil for my head and my cup kon full dey trowey.

Psalms 63:5

Just as meat dey satisfy pesin na so too Yu satisfy my soul. So my mout go always dey praiz Yu

Psalms 65:4

But blessing go follow di pesin wey Yu choose to stay yor palis. Make di good tins wey dey yor house, yor holy place, beleful us.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Hosea 2:15

I go gi-am back en vineyard den Trobol Valley go kon bi Hope Valley. E go ansa mi for der, just as e do wen e dey yong for di time wen e dey komot from Egypt.

2 Korintians 4:16

So, make wi nor luz hope, bikos even if awa body dey die go small-small, di Pesin wey dey inside us, dey fresh evriday.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

Joshua 14:11

Yet, I still strong like wen Moses send mi go spy. I fit still fight kon do my evriday work with di same pawa wey I get dat time.