Psalms 102:2 - Holy Bible Nigerian Pidgin English

² Make Yu nor turn from mi wen I dey trobol. Listin and kwik ansa mi wen I koll Yu.

Psalms 102:2 Iomraidhean Croise

Job 34:29

If God sey E nor go do anytin, nobody go fit ask am kweshon. If E hide en face, wi nor go get help at-all weda na one pesin or di hold kountry.

Job 7:21

Yu nor fit just forgive mi my sins? Yu nor fit just sorry for all di bad tins wey I do? I go soon die and wen Yu dey look for mi, I go don go.”

Psalms 104:29

Wen Yu nor ansa dem, dem go dey fear. Wen Yu remove life from dem, dem go die kon turn to san.

Psalms 13:1

My God, Yu go forget mi forever? Na how long Yu go trowey yor face from mi?

Psalms 143:7

So, my Oga God, make Yu kwik kom ansa mi, bikos my wahala dey worse evriday. Make Yu nor turn from mi, if not, I go die.

Psalms 17:1

My Oga God, make Yu hear my kry for help, den judge my kase. Listin to my prayer, bikos na trut I dey tok.

Psalms 22:19

My God, nor dey far from mi! Na Yu bi my strent; make Yu kwik kom save mi!

Psalms 27:9

Make Yu nor rijet mi. Nor vex push yor savant komot from yor present, bikos na Yu dey diliver mi. So, make Yu nor leave or abandon mi, bikos na Yu dey fight for mi.

Psalms 31:2

Make Yu listin to mi kon kwik diliver mi. Make Yu bi my rock wey go dey protet mi; di strong place where I fit hide put.

Psalms 40:13

So my God, abeg, make Yu save mi! Make Yu kwik-kwik kom help mi.

Psalms 69:17

Nor leave yor savant, bikos I dey trobol, but make Yu ansa mi naw-naw!

Psalms 70:1

My God, make Yu kwik kom save mi! Hurry kom help mi!

Psalms 71:2

Make Yu kom take and save mi, bikos Yu dey do wetin dey rite. Make Yu listin and diliver mi.

Exodus 2:23

Afta sometaim, Egypt king kon die, but Israel pipol still dey kry, bikos dem dey sofa well-well. So dem kry well-well to God for heaven.

Exodus 2:24

God hear dia kry and E remember en kovenant wey E make with Abraham, Isaak and Jakob.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Isaya 8:17

I go really wait for God wey don rijet Jakob family; I go wait for am.

1 Korintians 10:13

E nor get anytin wey dey happen to una naw, wey neva happen to odas before, but God dey keep en promise and E nor go allow una pass thru wetin una nor go fit bear.