Psalms 100:5 - Holy Bible Nigerian Pidgin English

⁵ Bikos God dey good, en love wey nor dey fail dey forever and E dey good from one generashon go rish anoda.

Psalms 100:5 Iomraidhean Croise

1 Kronikles 16:34

Make una tank God, bikos E dey good, en love go dey forever.

2 Kronikles 5:13

Doz wey dey blow trumpet and doz wey dey sing kon dey sing togeda dey praiz and give God all di glory. With di trumpet, cymbals and oda instruments, evribody kon dey shaut praiz God dey sey: “God dey good! En love and goodness, na forever and ever!” At wons, one kind tick kloud kon kover God Temple.

Ezra 3:11

Dem sing praiz God sey: God dey good and en love for Israel nor dey end. Evribody kon bigin shaut praiz God with all dia pawa, bikos dem don start work for di temple.

Psalms 103:17

But God love go dey forever for pipol wey dey fear am. En salvashon go dey for dia shidren-shidren;

Psalms 106:1

Make wi praiz God! Make wi tank am, bikos E dey good! E love wey nor dey fail, dey forever.

Psalms 107:1

Make wi tank God, bikos E dey good! En love wey nor dey fail, dey forever.

Psalms 107:15

So make dem praiz God, bikos of en great love and for di wonderful tins wey E don do for dem,

Psalms 107:22

Make dem tank am with sakrifice kon sing about di tins wey E do.

Psalms 107:8

So make dem praiz God, bikos of en great love and for di wonderful tins wey E don do for dem.

Psalms 119:68

Yu dey good and na only good tins Yu dey do; so make Yu tish mi yor kommand!

Psalms 138:8

God go fight for mi. My Oga God, yor love wey nor dey fail, go dey forever, so make Yu nor rijet di pipol wey Yu kreate by yorsef.

Psalms 146:6

Na God make heaven and eart, di sea and evritin wey dey inside dem. E dey keep all di promise wey E make.

Psalms 25:8

God dey good and E dey do wetin dey rite; E dey show di rite road to pipol wey dey waka lost.

Psalms 36:5

My God, yor love wey nor dey fail, big and wide like di heavens; just as yor goodness high pass di kloud for sky.

Psalms 52:1

Yu wey tink sey yu strong, why yu dey karry body for di bad tins wey yu dey do? Yu nor know sey God love dey always protet mi?

Psalms 85:10

Love wey nor dey fail and trut, don join togeda. Raitiousness and peace don kiss each oda.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Mikah 7:20

Just as Yu promise awa grand-grand papa, Abraham and Jakob, na so too Yu go show us yor faithfulnes and love wey nor dey fail.

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Luke 1:50

E dey show en mesi to evribody wey dey fear am for evry generashon.

Deutronomi 7:9

So make una undastand sey, di Oga una God na en really bi God. Na en bi di God wey dey keep en kovenant for tazon generashon kon dey show en love wey nor dey end to doz wey love and dey obey en kommand.

Titus 1:2

Di trut dey give dem di mind sey dem get life wey nor dey end and na God wey nor fit lie promise dem dis life even before E kreate di world.