Psalms 1:6 - Holy Bible Nigerian Pidgin English

⁶ True-true, God dey guide en pipol for evritin wey dem dey do, but E go distroy doz wey nor dey follow en ways.

Psalms 1:6 Iomraidhean Croise

Job 23:10

Yet, God know evry step wey I dey take. If E sey make E test mi, I go klean kom out like gold.

Psalms 112:10

Wen wiked pipol si dis tins, dem go dey fear and worry; dem go grind dia tit dey vex; dem go melt trowey and evritin wey dem wont, go distroy.

Psalms 142:3

Wen I nor get pawa again, na-im dey protet mi as I dey waka. Bikos anywhere wey I dey go, my enemies don set trap dey wait for mi.

Psalms 142:4

I dey look for di rite pesin wey go kom help mi, but nobody dey even tink go my side! Nobody to help mi; nobody even kare about wetin go happen to mi.

Psalms 146:9

God dey guide di strenjas among us. E dey kare for pipol wey nor get papa and mama and wimen wey dia husband don die, but E dey ponish wiked pipol with dia wiked plans.

Psalms 9:6

My enemies don die finish forever; di towns wey Yu rut komot from groun, dem nor go ever remember dem again.

Proverbs 14:12

Wetin pesin dey do fit dey korrect for en eye, but e dey lead am to en grave.

Proverbs 15:9

God nor like evritin wey wiked pipol dey do, but E love doz wey dey do good.

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Matiu 7:13

“Make yu pass di small gate enter, bikos di gate wey pipol go pass go sofa, wide well-well and many pipol dey waka enter.

John 10:14

“Na mi bi di good shepad, I know di sheep wey bi my own and dem know mi too.

John 10:27

My sheep dey hear my vois and I know dem and dem dey follow mi.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”

2 Pita 2:12

But dis men bi like animal wey nor dey tink; animals wey pipol fit kill anyhow and dem just dey do as dem like. Dis pipol dey tok anyhow and na distroshon go end dia life.

1 Samuel 2:9

E dey wosh and guide di pipol wey E choose, but E dey make wiked pipol shut up for di dark place wey dem dey, bikos nobody fit win war with en own pawa.