Nombas 18:11 - Holy Bible Nigerian Pidgin English

¹¹ “And dis na yor own: special ofrin wey kom from dia gift, togeda with all di peace ofrin wey Israel pipol give. I don give dem to yu and yor shidren forever. Evribody wey dey klean for yor family, go fit chop am.

Nombas 18:11 Iomraidhean Croise

Levitikus 10:14

Yu and yor family go fit chop di breast and di leg wey dem give as special gift and di special kontribushon wey dem give God. Yu go fit chop am for any place wey dey holy. Na yu and yor sons get dis ofrin, bikos na part of di peace ofrin wey Israel pipol give.

Levitikus 7:14

E go give one part for each bread as special ofrin to God; na di priest wey take and rub di animal blood for di altar, get am.

Nombas 18:1

God tell Aaron, “Yu, yor sons and yor tribe must sofa for di Tabanako sin; but only yu and yor sons go sofa for di priest sins.

Nombas 18:10

Yu must chop am for di Most Holy Place and evry boy pikin fit chop am, bikos e go dey holy to yu.

Nombas 18:19

All di special ofrin for di tins wey dey holy wey Israel pipol give to God, I don give dem to yu and yor shidren forever. E go bi salt kovenant forever to God and na for yu and yor shidren-shidren.”

Nombas 18:8

God kon tell Aaron, “Si, I don put yu to kare for my special ofrin; I don give yu all di holy tins wey Israel pipol give mi as yu and yor sons own forever.

Deutronomi 18:3

Di tins wey di priests go take as dia own share, na di animals and oda tins wey di oda tribes bring kom as ofrin: dem go take di animals shoulder, jaw and belle.