Mikah 7:8 - Holy Bible Nigerian Pidgin English

⁸ So my enemies, make una nor happy, bikos of mi! Bikos wen ever I fall, I go raiz-up again. Even doh I dey for darkness, Oga God go bi my lite.

Mikah 7:8 Iomraidhean Croise

Job 31:29

I neva happy wons, bikos my enemies dey sofa; or dey for peace, bikos dem dey face trobol.

Psalms 112:4

Even for darkness, lite dey shine for pipol wey dey fear God. Dem dey good, dey sorry for pipol and dem get respet.

Psalms 143:3

My enemies don porshu mi. Dem don nak mi fall kon force mi stay for darkness like pipol wey dey grave.

Psalms 20:8

Doz nashon go fall skata for groun, but wi go raiz kon stand gidigba for groun.

Psalms 27:1

Na God bi my lite and my salvashon, so na who I go kon dey fear? Na en dey guide and protet mi from danger, so wetin go make mi dey shake?

Psalms 35:19

Make Yu nor let my enemies happy sey dem win mi. Make Yu nor let pipol wey hate mi, even doh I nor do anytin, happy bikos I dey sofa.

Psalms 37:21

Wen wiked pipol borrow sometin, dem nor dey pay back, but doz wey dey fear God dey give tins to pipol with happiness.

Psalms 37:24

Even doh dem dey shake, dem nor go ever fall, bikos God hold dem with en hand.

Psalms 38:16

I dey pray, “Make Yu nor let my enemies happy, bikos I fall for groun.”

Psalms 84:11

Oga God na awa sun and naim dey protet us. God dey give us grace and glory and E go always dey good to doz wey dey do good.

Psalms 97:11

Pipol wey dey fear God, lite dey shine for dia body and doz wey get pure heart, dey always happy.

Isaya 2:5

So, Jakob shidren-shidren, make wi waka with di lite wey God take dey guide us!”

Isaya 49:9

I go tell doz wey dey prison sey, ‘Make una kom out!’ And doz wey dey for darkness, ‘Make una kom enter lite!’ Dem go bi like sheep wey dey chop grass for hill.

Isaya 50:10

All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 9:2

Pipol wey dey waka for darkness don si lite. Lite dey shine for doz wey dey stay for di land where strong darkness dey.

Jeremaya 48:27

Moab pipol, hope una remember how una take laf Israel pipol? Una trit dem like sey dem bi tif.

Jeremaya 50:11

God sey, “Babilon pipol! Una tif from my pipol and e dey make una happy. Una dey enjoy like animal wey dey chop betta green grass. Una dey sing with joy like di nois wey horse dey make.

Jeremaya 8:4

God sey make I ask dem, “Pesin wey fall, nor dey get up again? Abi, pesin wey miss road, nor dey turn back go pass di korrect road?

Ezekiel 25:6

Dis na wetin God wey get pawa dey tok: Una klap una hand kon dey jump with happiness and dey curse Israel land.

Ezekiel 35:15

just as una dey happy wen Israel skata; Israel land wey bi my own. Mount Seir pipol and all of una for Edom go die finish. Den evribody go know sey na mi bi God.’ ”

Ezekiel 36:5

I dey vex naw, so mi wey bi God go ponish dem especially Edom pipol, bikos na dem laf una pass kon kollect una land.

Amos 9:11

God sey, “For dat day, I go ribuild David kingdom wey fall. I go ripair en fence kon build am back. I go build am again kon make am bi as e bi before.

Obadaya 1:12

Una nor for dey happy wen dem karry una brodas as slaves go anoda land. Una nor for happy at-all wen Judah pipol dey sofa all dis tins. Una nor for tok anyhow for dat time wey Israel dey sofa.

Mikah 4:10

Jerusalem pipol, make una shaut and kry like woman wey won born, bikos dem must karry una go Babilon as slave. But God go save una for der; E go save una from una enemies hand.

Mikah 7:10

Den my enemies go si sey God dey for my side and shame go katch dem. Dis na di same enemies wey ask sey, “Where dat yor Oga God dey?” And naw, I go si as dem dey fall and I go mash dem pass like portor-portor for road.

Zekaraya 12:8

For dat time, God go protet doz wey dey stay Jerusalem and even doz wey weak pass among dem, go dey strong, just as David, dia grand-grand papa bi. David shidren-shidren go lead dem like God angel and dem go bi like God.

Malakai 4:2

But for una wey dey fear my name, my sun wey dey give life go shine and heal una. Una go dey free kon dey happy like melu pikin wey dem open en kage make e for go play.

Matiu 4:16

una wey dey darkness, don si big lite and una wey don nearly die, don get life.”

John 16:20

I tell una true word, una go kry and mourn, but di world go dey happy; una go dey sad well-well, but una sadnes go turn to happiness.

John 8:12

Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

Acts 26:18

yu go open dia eyes make dem for waka komot from darkness enter lite. Make dem komot from Satan hand, go meet God, so dat God go forgive dem dia sins and dem go follow di pipol wey God don make klean, bikos dem bilive am.’

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

2 Korintians 4:9

pipol dey ponish us, but God nor let us die; dem dey nak us for groun, but dem nor fit distroy us.

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.

Revelashon 22:5

Nite nor go dey again and dem nor nid lantan or sun lite, bikos God go bi dia lite and dem go rule forever and ever with am.