Mikah 3:3 - Holy Bible Nigerian Pidgin English

³ Yes! Una dey chop my pipol flesh, remove dia skin kon break dia bones. Una dey kut dem small-small like meat inside pot.

Mikah 3:3 Iomraidhean Croise

Psalms 14:4

Doz wey dey do bad nor go ever learn? Dem dey chop my pipol like bread and dem nor dey pray to God.

Psalms 27:2

Wen wiked pipol and my enemies won kom attack and kill mi, dem dey stagga fall.

Proverbs 30:14

“Dia tit bi like swod and dia mout sharp like knife. Dem dey distroy poor pipol komot from dis eart and pipol wey nor get food to chop, dem dey kill dem trowey.

Isaya 3:14

God won judge doz wey dey lead en pipol. E sey, “Na una skata di vineyard kon pak poor pipol tins full una house.

Isaya 3:15

Why una dey wahala my pipol and sofa doz wey nor get money? Mi, wey bi God wey get pawa, don tok.”

Ezekiel 11:3

Dem sey, ‘E neva rish wen wi go ribuild awa house. Di town bi like pot and na wi bi di meat wey dey inside di pot, but at least di fire nor dey tosh or burn us.’

Ezekiel 24:4

Put di betta part for di meat inside: di shoulder, di legs and di difren parts.

Amos 8:4

Make una listin, una wey dey opress and distroy poor pipol wey dey di town.

Mikah 2:8

But till naw, my pipol dey tok against mi like sey I bi dia enemy! Doz wey trust mi, una tif dia klot kon let dem look like pipol wey dey kom from war.

Zefanaya 3:3

En leaders bi like hongry lion wey dey look for who dem go chop. Dem dey hongry like wolf for desert wey dey chop dia food finish for morning.