Mikah 1:3 - Holy Bible Nigerian Pidgin English

³ Si! God dey kom from en holy temple for heaven and E go skata all di juju altars for dis world.

Mikah 1:3 Iomraidhean Croise

Job 40:12

Yes! Look dem, make yu bring dem kom down kon skata where wiked pipol stand put.

Psalms 115:3

Awa God dey for heaven and E dey do wetin E like.

Isaya 25:10

God go protet and guide Mount Zion, just as pipol dey mash grass pass, na so too E go take distroy Moab pipol.

Isaya 26:21

bikos God dey kom from where E dey stay for heaven kon ponish pipol bikos of dia sins. Di eart go show all di innocent pipol blood wey dem share on-top am and e nor go ever forget di innocent pipol wey dem kill.

Ezekiel 3:12

Den God Spirit karry mi go up and I kon hear one loud vois dey sey, “Praiz and glory na God own for heaven!”

Amos 4:13

“Na mi God kreate di mountins and breeze. I allow human being know wetin I dey tink. Na mi dey bring darkness to take kover lite and I dey waka on-top di hill. Na mi bi God and na mi get all di pawa.”

Amos 9:5

Oga God wey get pawa, tosh di eart and e shake; evribody wey dey stay der dey mourn and di whole world dey raiz and fall like Nile River.

Habakkuk 3:19

God wey get pawa dey give mi strent. E make mi stand strong for groun like deer kon keep mi save on-top di mountin. (For di kwayamasta: Make dem sing dis song with instrument like, jita.)

Zekaraya 14:4

For dat time, E go stand on-top Mount Olives kon face di east side for Jerusalem. Den Mount Olives go divide into two from east go west. Half part for di mountin go-go nort and di remainin part go-go sout.

Deutronomi 32:13

E allow dem travel pass di high place for di land kon chop from di plants wey dey di field. E use honey from di rock and olive oil from strong groun take kare for dem.

Deutronomi 33:29

Israel pipol, si as una dey happy! Who bi like una? Una bi pipol wey God diliver, bikos na God dey protet una and na-im bi una swod. Make una enemies kry before una and una go mash dia back pass.”