Mark 2:20 - Holy Bible Nigerian Pidgin English

²⁰ But di time dey kom wen dem go take di man wey dey marry from dem, by dat time, dem go fast.

Mark 2:20 Iomraidhean Croise

Psalms 45:11

Bikos una prince dey happy for una beauti. Make una honor am, bikos na-im bi una oga.

Song of Songs 3:11

So Jerusalem wimen, make una kom si King Solomon dey kom. E wear di crown wey en mama take crown am for di day wen e marry and na dat day, sweet pass for en life.

Isaya 54:5

Bikos di Pesin wey kreate una, go bi una husband. Na God wey get pawa bi en name. Israel God wey dey holy go save una. Dem dey koll am di God of di whole eart.

Isaya 62:5

Like yong man wey marry virgin, na so too en wey form una, go marry una. As husband dey happy with en wife, na so una God go dey happy with una too.

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

Matiu 26:31

Den Jesus kon tell dem, “Dis nite all of una go run leave mi, bikos God word sey, “ ‘I go kill di shepad and di sheep go skata.’

Matiu 9:15

Jesus ansa, “Pipol wey kom marriage nor fit mourn if di man wey dey marry dey with dem! Abi e dey happen like dat? But di day go kom wen dem go take di man wey dey marry komot from where dem dey, dat time, dem go fast.

Mark 2:19

Jesus ansa dem, “Pipol wey kom marriage nor fit fast wen di man wey dey marry dey with dem, abi dem suppose to? So-far di man wey dey marry dey with dem, dem nor nid to fast.

Mark 2:21

“Nobody dey tear new klot take pash old one. If e do like dat, di pash go tear di klot more and di whole go big pass as e bi before.

Luke 17:22

Den Jesus tell en disciples, “Di time dey kom wen una go won si Man Pikin, but una nor go si am.

Luke 5:35

But time dey kom wen di man wey dey marry nor go dey with dem, dat time, dem go fast.”

John 12:8

Poor pipol go always dey with una, but I nor go dey with una all di time.”

John 13:33

“My shidren, na small time remain wey I go dey with una. Leta, una go dey find mi and as I tell di Jew oga dem before sey, ‘Where I dey go una nor go fit kom der’, na di same word I dey tell una naw.

John 16:28

Na my Papa send mi kom dis world, but naw, I dey go back go meet am.”

John 16:7

I tell una true word, na for una own good naim make mi won go, bikos if I nor go, di Pesin wey go help una nor go kom, but if I go, I go send am kom meet una.

John 17:11

I nor go dey di world again, but dem go still dey inside di world, since I won kom meet yu. Holy Papa, make yor name protet di pipol wey yu give mi, so dat dem go bi one, just as mi and yu na one.

John 17:13

Since I dey kom meet yu, I dey tok all dis tins for di world, so dat dia joy go full well-well.

John 3:29

Di pesin wey won marry new wife naim bi di bridegroom. En friend, wey bi di best man, dey listin to am. E go dey happy well-well wen e hear di bridegroom dey tok. Na dis dey make mi happy and my joy don full.

Acts 1:9

So afta e don tok with dem, God kon karry am up until kloud kover am and dem nor fit si am again.

Acts 14:23

Wen dem don choose eldas wey go lead di bilivers for di difren-difren church, dem kon pray and fast sey, make God protet dem.

Acts 3:21

Dis Jesus Christ go stay for heaven till di time wey God go make evritin betta again as E don tok thru en holy profets.

1 Korintians 7:5

Make una nor refuse each oda, escept una gri sey una go dey like dat for sometaim, so dat una go fit pray. Den Satan nor go fit tempt una, bikos una go fit kontrol una body.

2 Korintians 11:2

I dey jealous for una with God jealousy, bikos I promise sey na one man una go marry. Like woman wey nor no man, na so I won give una to Christ.

2 Korintians 11:27

I don do hard work; nor sleep for many nites; food and wota go dey hongry mi; many times, I nor get food to chop. I don dey for kold and I nor get klot to kover body.

2 Korintians 6:5

for di time wey dem dey beat us and put us for prison; for di time wey dem dey fight; for wahala time; for nite wey wi nor fit sleep and for hongry time.

Revelashon 19:7

Make wi happy well-well kon gi-am glory, bikos di Lamb marriage don rish and di pesin wey E won marry, don ready too.”

Revelashon 21:9

Den one for di seven angel wey bin whole di seven basin wey di seven last ponishment full, waka kon tell mi sey, “Make yu kom, so dat I go show yu di woman wey won marry; di Lamb wife!”