Mark 13:11 - Holy Bible Nigerian Pidgin English

¹¹ Wen dem arrest una karry go kourt, make una nor worry about wetin una go tok. God go give una wetin to tok for dat time, bikos nor bi una go tok, but na di Holy Spirit go tok thru una.

Mark 13:11 Iomraidhean Croise

2 Samuel 23:2

“God Spirit dey tok thru mi; en message dey for my lip.

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Matiu 10:17

“Make una dey ready, bikos pipol go arrest una karry go kourt and flog una for dia sinagog.

Mark 13:12

“Broda go betray en broda make dem kill-am and papa go sell en pikin. Shidren go betray dia papa and mama and dem go kill dem.

Mark 13:9

“Make una shine una eye. Dem go take una go kourt and dem go beat una for sinagog. Bikos of mi, una go stand for govnors and kings front, so dat una go fit tell dem about mi.

Luke 21:12

“But before dem go happen, dem go arrest and ponish una for wetin una nor do, den go karry una go judge for inside sinagog, den dem go trow una inside prison. Dem go karry una go meet kings and govnors, bikos of my name.

John 3:27

John ansa dem, “Nobody go fit get anytin unless God wey dey heaven, gi-am.

Acts 2:4

Den di Holy Spirit enter dia body and as di Spirit give dem pawa, dem kon start to tok for difren language.

Acts 3:13

Na Abraham, Isaak, Jakob and awa grand-grand papa God, naim karry en savant Jesus Christ go up, di one wey una rijet kon gi-am to Pilate make e judge am, even wen e won free am.

Acts 4:31

Wen dem pray finish, di place wey dem gada put kon dey shake. Di Holy Spirit enter all of dem and dem kon dey prish God Word with pawa.

Acts 6:10

But dis pipol nor fit stand di wisdom and pawa wey Stefen take dey tok.

Acts 6:15

Evribody wey dey di kansol dey look Stefen kon si sey en face dey shine like angel own.

Acts 7:55

But Stefen, wey God dey use well-well, look strait go heaven kon si God glory and Jesus Christ wey stand for God rite hand.

1 Korintians 2:13

Evry word wey wi dey tok, na God Spirit tish us and nor bi human wisdom. Na dis same Spirit dey help us tish spiritual tins to pipol wey get God Spirit.

Efesians 3:5

Di pipol wey dey before nor know dis sekret as God don show en holy apostles and profets wey dey naw, thru di Holy Spirit.

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

1 Pita 1:12

Dem show sey nor bi demsef dem dey work for, but na for una, bikos una hear dis matter from di apostles thru di Holy Spirit pawa wey kom from heaven. Even angels dey wish sey dem know dis tins.