Mark 1:11 - Holy Bible Nigerian Pidgin English

¹¹ Den one vois tok from heaven sey, “Yu bi My Pikin wey I love and yu dey make belle sweet Mi well-well.”

Mark 1:11 Iomraidhean Croise

Psalms 2:7

Den di king sey, “I go tell una wetin God kommand. God tell mi sey: ‘Yu bi my pikin! Today, I don bi yor papa!

Isaya 42:1

God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Matiu 12:18

“Na my savant wey I choose bi dis, di One wey I love, wey I dey happy with. I go put my Spirit inside am and e go judge di world.

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Matiu 3:17

Naim one vois from heaven kon sey, “Dis na My pikin wey I love and e dey make belle sweet mi.”

Mark 1:10

As Jesus dey kom out from di wota, heaven open and God Spirit kom down like dove kon land for en head.

Mark 9:7

Den, kloud kover dem and one vois kon tok from di kloud sey, “Dis na My only pikin wey I love. Make una listin to am!”

Luke 3:22

di Holy Spirit kom down for en head like dove. Den one vois tok from heaven sey, “Yu bi my Pikin wey I love well-well and yu dey make belle sweet mi.”

Luke 9:35

One vois from di kloud kon sey, “Dis na my pikin wey I choose. Make una listin to am!”

John 1:34

I don si am and I bear witness sey, ‘Dis man na di pesin wey God choose.’ ”

John 3:16

“God love di pipol wey dey dis world well-well, so E kon send di only pikin wey E get to us, so dat anybody wey bilive am, nor go die, but e go get life wey nor dey end.

John 5:37

And my Papa wey send mi, en ensef don bear witness about mi. Una neva hear my Papa vois or si am before.

John 6:69

Wi don bilive and know sey, ‘Na yu bi di Holy One wey God send kom meet us.’ ”

Romans 1:4

and naim bi my only Pikin wey I wake-up from deat with di Holy Spirit pawa.

Kolossians 1:13

E save us from darkness pawa and put us for di kingdom wey E give di pikin wey E love.