Luke 7:25 - Holy Bible Nigerian Pidgin English

²⁵ Wetin una go out go si? Na man wey wear fine klot? No! Bikos pipol wey dey wear fine klot and dey enjoy life, na king palis dem dey stay.

Luke 7:25 Iomraidhean Croise

2 Samuel 19:35

I don old rish eighty years and nor-tin dey make mi happy again, I nor dey taste or enjoy wetin I dey chop or drink and I nor dey hear pipol wen dem dey sing again. So if I follow yu go, na wahala I go just bi to yu.

1 Kings 10:5

di food wey dem serve for di tabol; di house wey en ofisas dey stay; how en workers dey do and di uniform wey dem wear; di savants wey dey serve wen dem dey do party and di sakrifice wey e dey offa for di temple. All dis tins kon sopraiz di kween well-well and fear katch am.

2 Kings 1:8

Dem ansa, “E get hair full en body kon tie leda belt for waist.” Di king kon sey, “Dat na Elijah wey kom from Tishbe.”

Estha 1:11

sey make dem go bring Kween Vashti and make e wear en royal crown. Di kween fine well-well and di king won use am take make yanga for en ofisas and doz wey e invite.

Estha 1:3

and for di third year wen e dey rule, e kon do party for all en ofisas and savants. Di sojas for Persia and Media dey der too, with di ofisas and strong men for di kountries.

Estha 4:2

But e nor waka pass di king gate: bikos nobody wey wear sak klot go fit pass der.

Estha 5:1

For di third day, Estha wear en royal dress kon go stand for di inna kourtyard gate for di palis wey face di throne room and di king sidan for di throne.

Estha 8:15

Mordekai wear royal garment wey dem make with purpol and white, with one fine crown kon komot from di king present.

Isaya 59:17

E go wear good judgement for body like war koat kon wear viktory like priest kap for en head. E go wear klot wey go make am do good tins kon ponish doz wey dey sofa pipol.

Matiu 11:8

Who una go outside go si? Abi na man wey wear fine dress? Pipol wey dey wear fine dress like dat, nor bi king palis dem dey stay?

Matiu 3:4

John wear klot wey dem use kamel hair make, e use leda belt tie waist and na lokust and honey for bush, e dey chop.

Matiu 6:29

I tell una true word, even Solomon, upon all di money wey e get, e nor wear klot wey fine rish di ones wey dis flower dem dey wear!

Luke 16:19

“E get one rish man wey dey wear dear-dear klot and e dey enjoy life evriday.

Luke 7:24

Wen John messenjas don go, Jesus kon bigin tok to di pipol about John: “Wetin una go find for inside wildaness? Na grass wey breeze dey blow?

Luke 7:26

Wetin una go out go si? Na profet? Yes! I tell una, e even big pass profet.