Luke 6:25 - Holy Bible Nigerian Pidgin English

²⁵ Curse dey una head, una wey don ova beleful, bikos una go hongry. Curse dey una head, una wey dey laf naw, bikos una go kry well-well.

Luke 6:25 Iomraidhean Croise

Psalms 49:19

but dem go die like doz wey don die before and dem nor go ever si day lite again.

Proverbs 14:13

Wen pesin dey laf, e go forget en pain, but wen di happiness don end, di pain go kom back.

Proverbs 30:9

Bikos if I too get money, I fit deny Yu sey, ‘Who bi God?’ And if I too poor, I go fit go tif kon bring shame for yor holy name.

Ekklesiastes 2:2

I still si sey, “E dey foolish to dey laf anyhow and to dey find enjoyment waka, nor dey make pesin get any betta tin!”

Ekklesiastes 7:3

E betta make pesin dey tink about life, dan sey e dey laf anyhow. Bikos to dey tink and dey kwayet, good well-well for di heart.

Ekklesiastes 7:6

Bikos just as shuku-shuku dey burn for fire, na so fool life bi. Dis one too dey yuzles.

Isaya 28:7

Even di profets and di priests dey stagga bikos dem don drink well-well. Dem don drink plenty wine and e dey konfuse dem. Dem don drink sotey dem nor dey fit undastand di vishon wey God send kom or judge any kase well.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Isaya 8:21

Di pipol go dey waka anyhow for di land, dem nor go get hope and dem go dey hongry. So bikos of di honga and vexnashon, dem go look up kon curse dia king and God.

Isaya 9:20

Dem attack dia neighbour from rite, but dem still dey hongry. Dem chop dia neighbour from left, but dem nor beleful. Dem even dey chop dia own shidren join.

Amos 8:10

“I go turn una festival to burial kon shange una happiness to kry. I go make una kut una hair kon wear sak klot, den I go make una mourn like sey una only pikin just die. Dat day go bitter well-well.

Nahum 1:10

En enemies bi like dry shuku-shuku for bush. Yes! Dem bi like pesin wey don drink well-well. True-true, fire go burn dem like dry grass.

Luke 12:20

“But God kon tell di man, ‘Yu bi fool! Dis nite, yu go die, den who go kon get all dis tins wey yu don gada for yorsef?’

Luke 13:28

“Una go kry dey grind tit wen una si Abraham, Isaak, Jakob and all di profets inside God Kingdom, but God go trow una for outside.

Luke 6:24

“But curse dey una head, una wey get money well-well naw, bikos una don already get una reward.

Luke 6:26

Curse dey una head, una wey pipol dey tok good tins about, bikos na so dia grand-grand papa dem tok about di fake profets too.

Luke 8:53

Dem kon bigin laf am, bikos dem know sey di girl don die.

Efesians 5:4

Make una nor allow yeye and foolish word kom out from una mout. And make una nor dey tok anyhow or use bad word, bikos all dis tins nor good. Instead, make una dey tank God with una mout.

1 Tesalonians 5:3

Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.

James 4:9

Make una kry and make sorrow dey una heart, den una go show sey una nor dey happy.

Revelashon 3:17

Bikos yu dey sey, “I get plenty money and I nor nid anytin!” But yu nor know sey yor kondishon bad well-well, yu dey sofa; yu poor; blind and naked.

1 Samuel 2:5

Pipol wey dey chop well and get evritin before, don dey fine work naw, so dat dem go si food chop, while doz wey dey hongry before, don si plenty food chop. Even di woman wey neva get belle before, don born seven shidren, but di ones wey get plenty shidren, nor get again.