Luke 6:21 - Holy Bible Nigerian Pidgin English

²¹ Make una happy, una wey dey hongry, bikos una go beleful. Make una happy, una wey dey kry naw, bikos una go laf.

Luke 6:21 Iomraidhean Croise

Jenesis 17:17

Abraham bow take face tosh groun, but e bigin laf wen e tink for en mind dey sey, “Man go fit born pikin wen e don rish hundred years? Abi Sarah fit born pikin naw wey e bi ninty?”

Jenesis 21:6

Sarah kon sey, “God don make mi laf. Evribody wey hear wetin don happen, go follow mi laf.”

Psalms 107:9

Bikos E dey give wota to pipol wey nid am and food to doz wey dey hongry.

Psalms 119:136

I dey kry like river wey dey flow, bikos pipol nor gri obey yor kommands.

Psalms 143:6

I lift my hands and pray to Yu. Just as dry land dey hongry for rain, na so too I dey hongry to si Yu.

Psalms 17:15

Bikos I dey raitious, I go si Yu. Wen I don leave dis world kom meet Yu, I go si Yu face-to-face and belle go sweet mi.

Psalms 28:7

Na God bi my strent, my guide and I trust am with all my heart. My heart dey happy well-well, bikos God help mi. So, I go always dey sing dey tank am.

Psalms 65:4

But blessing go follow di pesin wey Yu choose to stay yor palis. Make di good tins wey dey yor house, yor holy place, beleful us.

Isaya 25:6

For Mount Zion, God wey dey lead heaven sojas go do big party for all di pipol for di world. For di party, plenty food go dey to chop and wine go dey to drink; betta meat and sweet wine go dey too.

Isaya 30:19

Una go stay for Zion! Jerusalem pipol nor go kry again. Wen God hear as una dey kry with pain, E go kom save and help una. Yes! E go ansa wen una kry for help.

Isaya 66:10

“So make una happy with Jerusalem; all of una wey like dis town, make una happy for am! All of una wey bin dey mourn for am, make una happy with am naw!

Jeremaya 13:17

But as una nor gri listin, I dey kry for sekret, bikos of una pride; I go kry well-well till I nor fit kry again, bikos dem don karry God pipol go as slave.”

Jeremaya 31:25

Doz wey don taya, I go give dem wota drink kon feed doz wey don weak bikos of honga.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Jeremaya 9:1

I wish sey my head bi like well wey wota full and my eyes bi like fountain where wota for dey rush kom out, den I go kry well-well both day and nite for my pipol wey dem kill.

Ezekiel 7:16

Some of dem go run go di mountin like doves wey run from valley. All of dem go kry, bikos of dia sins.

Ezekiel 9:4

“Make yu pass thru evriwhere for Jerusalem kon mark di pipol front head; pipol wey dey face trobol and wahala, bikos of all di bad tins wey dey happen for di town.”

Matiu 5:4

God go bless una wey dey mourn, bikos E go make una happy.

Matiu 5:6

God go bless una wey dey like to do good tins, E go give una evritin wey una wont.

Luke 1:53

E don make doz wey dey hongry beleful with good food and pipol wey get money well-well, E don make dem poor.

Luke 6:20

Den Jesus look en disciples, tell dem, “Make una happy, una wey dey poor, bikos na una get God Kingdom.

Luke 6:22

Una wey pipol hate, rijet, curse and dey koll bad pipol bikos of Man Pikin, God go bless una

Luke 6:25

Curse dey una head, una wey don ova beleful, bikos una go hongry. Curse dey una head, una wey dey laf naw, bikos una go kry well-well.

John 11:35

Jesus kon kry.

John 4:10

Jesus ansa am, “If yu know wetin God gift bi and di pesin wey dey ask yu for wota so, yu for ask am and e go give yu di wota wey dey make pesin live forever.”

John 6:35

Jesus kon tell dem, “Na mi bi di bread wey dey give life. Pesin wey kom meet mi nor go hongry lie-lie and di pesin wey bilive mi, nor go hongry for wota again.

1 Korintians 4:11

Even today, wi dey hongry for food and wota, na only rag wi get to wear. Dem dey trit us anyhow and wi nor get house to stay.

2 Korintians 11:27

I don do hard work; nor sleep for many nites; food and wota go dey hongry mi; many times, I nor get food to chop. I don dey for kold and I nor get klot to kover body.

2 Korintians 12:10

I dey happy as I dey weak with all di curse, trobols, ponishment and wahala wey I dey sofa bikos of Christ, bikos anytime wey I dey weak, na dat time, I dey-dey strong.

2 Korintians 6:10

wi dey like sey wi dey vex, but wi dey always happy; wi bi like poor pipol, but wi dey make many pipol rish; wi bi like who nor get anytin, but wi get evritin.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.

Revelashon 7:16

Hongry nor go ever katch dem again. Dem go always get wota to drink; sun nor go ever beat dem again.