Luke 5:21 - Holy Bible Nigerian Pidgin English

²¹ So di law tishas and di Farisee pipol kon dey tell diasef sey, “Who bi dis man wey dey shalenge God like dis? Who fit forgive sin escept God?”

Luke 5:21 Iomraidhean Croise

Psalms 103:3

Na-im dey forgive pipol dia sins and dey heal difren-difren diziz.

Psalms 130:4

But Yu always dey ready to forgive so dat dem go honor Yu.

Psalms 32:5

So, I konfess all my sins kon stop to hide all di bad tins wey I dey do. I tell mysef sey, “I go konfess my sins to God.” And E really forgive mi!

Psalms 35:5

Make Yu blow dem trowey like leaf wey breeze blow and make yor angels porshu dem.

Isaya 1:18

Afta una don do like dat, den God go sey, “Make una kom make wi setol di matter naw. Even doh una don stain unasef with blood bikos of una sin, I go wosh una white like snow. Even doh una stain red well-well, una go kon dey white like wool.

Isaya 43:25

But na mi wey bi God still dey forgive una sins and I do all dis tins, bikos of who I bi! I nor go kount una sins against una.

Isaya 44:22

I don remove una sins komot like sey na tick kloud. So make una turn kom meet mi, bikos na mi bi di Pesin wey save una.”

Daniel 9:19

So make Yu forgive us! Make Yu kwik hear and ansa us. Nor bi just for yor town and en pipol, but na to make pipol honor and praiz yor holy name.”

Daniel 9:9

But even with all di sin wey wi kommit, Yu still dey forgive and sorry for us.

Levitikus 24:16

and pesin wey use God name anyhow, must die. Israel pipol go stone am weda na strenja e bi or not; anybody wey use God name anyhow, go must die.

Mikah 7:19

Yes! Yu go sorry for yor pipol. Awa sins go dey under yor leg and Yu go trow dem go under di sea!

Matiu 26:65

Den di High Priest tear en klot kon sey, “E don tok against God! Why wi still nid anoda witness? Una don hear as e tok against God!

Matiu 9:3

Den some law tishas kon dey tok to demsef sey, “Si as dis man dey shalenge God.”

Luke 3:8

Naw, make una bear fruit wey go show sey una don really turn from sin kom meet God, make una nor start to sey, ‘Abraham na awa papa.’ Bikos God fit take dis stones wey dey for groun take make pikin for Abraham!

Luke 5:17

One day, wen Jesus dey tish, some Farisee pipol and di law tishas kon kom from all di village wey dey Galilee, Judea and Jerusalem, dem sidan near Jesus and God pawa dey with am to heal pipol.

Luke 5:22

Jesus know wetin dem dey tink, so e ask dem, “Why una dey tink like dis sef?

Luke 7:49

But di pipol wey sidan dey chop with Jesus kon dey tell each oda, “Who bi dis man wey dey forgive sin?”

John 10:33

Di Jew oga dem ansa, “Wi nor won stone yu bikos of di good tins, but na bikos yu wey bi ordinary pesin, dey make mout sey, yu bi God.”

Romans 8:33

Who go fit akuiz pesin wey God don choose? Na God know who good or bad.