Luke 4:6 - Holy Bible Nigerian Pidgin English

⁶ Den e tell am, “I go give yu all dis place and all di honor wey follow am as yor kingdom, bikos dem don gi-am to mi and I fit gi-am to anybody wey I wont.

Luke 4:6 Iomraidhean Croise

Estha 5:11

E kon dey boast give dem sey e get money well-well; many sons; how di king don promote am and how e dey important to di king pass any oda offisa.

Isaya 23:9

Na God wey dey lead heaven sojas do am. E do am to stop dia pride and to ponish dia pipol wey oda pipol dey respet.

Isaya 5:14

Deat go open en mout wide dey wait dem and all di big and betta pipol with doz wey dey celebrate for Jerusalem, go soon enter deat mout.

Luke 4:7

So, if yu bow down woship mi, I go give yu evritin.”

John 12:31

Di time to judge di pipol for dis world don rish and God go drive Satan, wey dey kontrol dis world komot.

John 14:30

I nor go tok too mush naw, bikos di devil wey dey rule dis world, dey kom and e nor get pawa for my body.

John 8:44

Na devil bi una papa and na di tin wey una papa wont, naim una dey do. E dey kill pipol from di biginnin and e nor dey support wetin good, as e nor get any good tin inside am. Anytime e dey tok, na di lie wey dey inside am, na-im e dey tok, e bi lie-lie pesin, bikos naim bi lie-lie papa.

2 Korintians 11:14

E nor sopraiz us, bikos even Satan dey pritend sey en na angel wey get lite.

Efesians 2:2

bikos una dey do wetin di world wont. Una dey obey wiked pawas wey dey rule di air and kontrol sturbon shidren.

1 Pita 1:24

Human being bi like grass and wetin make am fine, bi like flower; di grass go dry and di flower go die,

1 John 5:19

Wi know sey wi bi God shidren and dis world wey wi dey so, na wiked pipol dey rule am.

Revelashon 12:9

Dis dragon na di old snake wey bi di devil or Satan, wey dey deceive di world. Dem trow am kom down from heaven with en angels.

Revelashon 13:2

Di beast wey I si, bi like leopard, but en leg bi like bear leg and en mout bi like lion own. Di dragon kon gi-am pawa, en throne and strong authority to rule.

Revelashon 13:7

Satan gi-am pawa to fight with God pipol and to win dem. E still gi-am authority to rule evry tribe, group, language and kountries.