Luke 24:32 - Holy Bible Nigerian Pidgin English

³² Dem kon tell each oda, “No wonder e bi like sey fire dey burn inside awa heart wen e dey tok with us for road about God!”

Luke 24:32 Iomraidhean Croise

Psalms 104:34

Make wetin I dey tink, make belle sweet am and I go rijoice bikos of my God.

Psalms 39:3

Di more I dey tink about am, di more e dey pain mi for my heart; so I kon sey:

Proverbs 27:17

Just as iron dey make iron sharp, na so too, two pesin dey learn from each oda.

Proverbs 27:9

Just as perfume and fine oil dey make pesin happy, na so too betta advise from pesin friend, dey bring joy to en heart.

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Jeremaya 15:16

My Oga God wey dey mighty, anytime Yu dey tok to mi, I dey listin well-well and na joy and happiness full my heart, bikos I bi yor own.

Jeremaya 20:9

But wen I sey, “I go forget God and I nor go tok with en name again,” na dat time yor message dey bi like fire wey dey burn inside my body. Even wen I try to pritend sey nor-tin dey happen, I nor dey fit.

Jeremaya 23:29

My message bi like fire and na hammer wey dey break rock into pieces.

Mark 4:34

E nor get wetin e tell dem wey e nor use parabol. But wen only en and di disciples dey, e dey esplain evritin give dem.

Luke 24:45

Den e open dia mind so dat dem go fit undastand God word

John 6:63

Na di Spirit go fit give pesin life; human being pawa nor fit do am. All dis word wey I dey tell una so, dem bi Spirit and dem dey give pesin life.

Acts 28:23

Dem kon gri for di day wen dem go meet am and dem plenty wey kom en house kon meet am. So, from morning till evening, Paul kon dey esplain tins give dem. E dey tok about God kingdom and dey try to show dem wetin Moses Law and di profets tok about Jesus Christ.

Hibru 4:12

God word dey alive, e get pawa and e sharp pass knife wey get two sharp side. Di word dey divide pesin soul from en spirit and e dey divide bone from bone; bikos God know wetin wi dey tink for awa mind.