Luke 21:26 - Holy Bible Nigerian Pidgin English

²⁶ Pipol go dey faint and fear go dey katch some, bikos of wetin dey happen for di world and difren pawas inside di sky, go shake komot for where dem dey.

Luke 21:26 Iomraidhean Croise

Isaya 5:30

Wen dat day rish, di sojas wey dey kom from far, go make loud nois give Israel pipol; di nois go sound like wave for sea wey nak rock. Den wen yu look di land, yu go si sey e skata and dey dark, bikos di kloud don turn dia lite to darkness.

Levitikus 26:36

“I go make some among una wey una enemies karry go dia land dey fear well-well, sotey if una hear leaf sound wey breeze blow, una go dey run. Una go run like sey dem dey porshu una for war and una go fall wen no enemy dey near una.

Matiu 24:29

“Afta di wahala wey go happen for dat time, “Di sun go kon dark and di moon nor go shine; stars go fall from heaven and heaven go dey shake.

Mark 13:25

Di stars go fall from heaven and di pawa wey dey whole di sky, go shake.

Luke 21:25

“Difren-difren signs go show for sun, moon and star. For inside dis world, pipol for difren kountries go dey worry and fear, bikos of di way rivers go dey move and wota go dey rush from sea enter land.

Luke 21:27

Den, dem go si Man Pikin dey kom inside kloud with pawa and glory.