Luke 18:13 - Holy Bible Nigerian Pidgin English

¹³ “But di tax kollector stand for far place and e nor even look heaven, but kon nak en chest dey sey, ‘God, make yu sorry for mi, bikos I bi sina!’

Luke 18:13 Iomraidhean Croise

2 Samuel 12:13

So David sey, “I don sin against God.” Natan ansa, “God don forgive yu, so yu nor go die.

2 Kronikles 33:19

Wetin dem rite for di profets book still get: en prayers and how God take ansa am; all en sins and di bad tins wey e do; where e build high place with Asherah juju before e turn to Oga God.

2 Kronikles 33:23

Amon nor respet di Oga wey bi God, just as Manasseh en papa take leta respet am. E even sin pass en papa.

Ezra 9:6

I sey, My Oga God, I dey shame to raiz my head for yor front. Awa sins high pass awa head; dem even high rish heaven.

Job 42:6

So I dey shame, bikos of all wetin I don tok and I go pak dust for my head to take show sey I dey sorry for all wetin I tok.”

Psalms 106:6

Wi don sin like awa grand-grand papa. Wi don do plenty bad tins! Wi don do wiked tins well-well!

Psalms 119:41

My God, make Yu give mi yor love wey nor dey fail and di salvashon wey Yu promise mi.

Psalms 130:7

So Israel pipol, make una put una hope for God hand, bikos God dey show en love and E always dey ready to save en pipol.

Psalms 25:11

My God, bikos of di honor wey yor name get, make Yu forgive mi my many-many sins.

Psalms 25:7

Make Yu nor remember di sins wey I kommit wen I yong. Remember mi for di lite wey yor love wey nor dey fail dey bring, bikos Yu my God, dey sorry for pesin.

Psalms 40:12

Trobol gada round mi and I nor fit kount dem! My sins don many well-well and I nor sure sey I go fit dey free from dem! Dem many pass di hair wey dey my head and I don lost all my hope.

Psalms 41:4

My God, I dey pray sey, “Make Yu sorry for mi. Make Yu heal mi, bikos I don sin against Yu.”

Exodus 33:10

Wen all di pipol si di pila with kloud for di gate, each pesin for en gate go stand up kon woship God.

Isaya 1:18

Afta una don do like dat, den God go sey, “Make una kom make wi setol di matter naw. Even doh una don stain unasef with blood bikos of una sin, I go wosh una white like snow. Even doh una stain red well-well, una go kon dey white like wool.

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Ezekiel 16:63

I go forgive yu all di bad tins wey yu don do, but wen yu remember dem, shame nor go let yu open yor mout.” God wey get pawa don tok.

Daniel 9:5

Wi don sin! Wi wiked well-well and wi dey do bad tins. Wi nor dey do wetin Yu kommand and wi don turn from yor korrect way.

Matiu 10:3

Filip and Bartolomew; Tomas; Matiu, wey bi tax kollector; James, wey bi Afaeus pikin and Taddaeus.

Matiu 6:5

“Anytime wey una dey pray, make una nor do like pipol wey dey pritend, wey like to dey stand pray inside sinagog and for road, so dat pipol go si dem. I tell una true word, dem don already get dia reward.

Matiu 9:13

Make una go learn wetin dis word mean: ‘Na mesi I wont, nor bi sakrifice, bikos na sinnas I kom save, nor bi good pipol.’ ”

Mark 11:25

Anytime una dey pray, if una get anytin for mind against anybody, make una forgi-am, so dat una Papa wey dey heaven go forgive una too.

Luke 17:12

As e dey enter one village, ten men wey get leprosy meet am for road. Dem stand for far,

Luke 22:41

Den e leave dem, waka go far small, kon knee down dey pray,

Luke 23:48

So wen all di pipol wey gada dey look si wetin happen, dem kon dey kry go dia house.

Luke 5:8

Wen Simon si wetin happen, e kon knee down for Jesus front dey sey, “Abeg, nor near mi Oga God, bikos I bi sina.”

Acts 2:37

Wen di pipol hear dis prishin, e trobol dem for mind well-well and dem kon ask Pita and di rest apostles, “Awa brodas, wetin wi go do naw?”

Romans 5:8

But God show how en love for us big rish, wen E send Christ kom die for us, even doh wi still dey sin.

2 Korintians 7:11

Naw, make una si wetin dis vexnashon wey God plan don do for una: Si how una work for God bi naw; si how una won show sey una hand klean; si as una dey vex bikos of di bad tin wey happen; si how una dey sopraiz; si as una dey won si and worry about us; si how una ready to ponish anybody wey do bad! For evritin, una don show sey una hand klean for dis matter.

1 Timoti 1:15

Dis na true word and e good for evribody to asept and bilive am sey: “Jesus Christ kom dis world kon save sinnas” and na mi worse pass.

Hibru 4:16

Make wi nor fear to enter where God throne dey: di place where grace dey, so dat wi go get mesi and God grace go help us wen wi nid help.

Hibru 8:12

I go forgive dem for all di wiked tins wey dem don do and I nor go remember dia sins again.”