Luke 17:26 - Holy Bible Nigerian Pidgin English

²⁶ “As e bi for Noah time, na so e go still bi for Man Pikin time.

Luke 17:26 Iomraidhean Croise

Jenesis 6:5

But di Oga God si as human being wikedness don strong for di eart. Evritin wey dem dey tink for dia mind, na how to do evil tins.

Jenesis 6:7

So Oga God sey, “I go distroy human being wey I kreate komot for dis eart; plus evritin, from human being go rish animals, join di ones wey dey creep for groun and di birds for di sky, bikos I dey vex sey I kreate dem.”

Jenesis 6:8

But di Oga God like Noah well-well, bikos e dey good for God eye.

Isaya 22:13

But instead, una bigin laf and dey do party. Una sey, “Make dem kill sheep and melu make wi chop and make wi drink plenty wine! Make wi drink and chop, bikos wi go fit die tumoro.”

Luke 17:22

Den Jesus tell en disciples, “Di time dey kom wen una go won si Man Pikin, but una nor go si am.

Luke 17:24

Bikos as tonda lite dey flash from one side go anoda for sky, na so Man Pikin go kom for en time.

Luke 17:27

Dat time, pipol dey chop and drink, even for di day wen Noah enter di ark, men and wimen still dey marry, until wota kon distroy all of dem.

Luke 17:7

“Wish of una go tell en savant wen e kom from farm afta e don feed di sheep and melu finish sey, ‘Kom sidan, make yu follow mi chop’?

Luke 18:8

I tell una true word, God go help dem kwik-kwik. But wen Man Pikin kom back, e go si pipol wey get faith?”

Hibru 11:7

Na faith make Noah build ark afta God warn am about wetin go happen. E obey wetin God tok and na di ark save en and en family. Na di same faith Noah take kondemn di world, kon inherit di raitiousness wey dey kom.

2 Pita 2:5

God nor sorry for di world wey dey before and E distroy am with wota, but save Noah wey prish make pipol do wetin good for God eye and di seven pipol wey dey with am.

2 Pita 3:6

And na with di same wota, E take distroy di eart wey dey before.