Luke 16:13 - Holy Bible Nigerian Pidgin English

¹³ “No savant go fit serve two oga, bikos e must hate one kon love di oda one, or e go serve one with all en body dan di oda one. So, yu nor go fit serve God and money for di same time.”

Luke 16:13 Iomraidhean Croise

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Matiu 6:24

“Nobody go fit serve two oga, e go hate one kon love di oda one, or e go serve one with all en heart and nor respet di oda one. Nobody go fit serve God and money for di same time.

Luke 11:23

“Anybody wey nor dey with mi, dey against mi and anybody wey nor dey work with mi, dey work against mi.

Luke 14:26

“If anybody kom meet mi and e nor love mi pass en papa, mama, wife, pikin, brodas and sistas, even en ownsef, e nor go fit bi my disciple.

Luke 16:12

And if pipol nor fit trust yu with dia propaty, na who go give yu yor own?

Luke 16:9

So I tell una true word, make una use una money well, so dat una go make friends for unasef and wen di money finish, God go welkom una for en kingdom wey go dey forever.

Luke 9:50

Jesus kon ansa am, “Nor stop am, bikos anybody wey nor dey against us, dey awa side.”

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

Joshua 24:15

If una sey una nor won woship God, den today-today, make una choose who una go woship, weda na una grand-grand papa gods wey dey di oda side for di river, or Amor pipol gods wey dey di land wey una dey stay so. But for mi and my whole house, na di Oga awa God wi go woship and serve till wi die!”