Luke 13:34 - Holy Bible Nigerian Pidgin English

³⁴ “Jerusalem pipol! Jerusalem pipol! Una wey kill profets and stone pipol wey God send kom meet una! E don tey wey I won gada una shidren as fawol dey gada en pikin under en feada, but una nor gri!

Luke 13:34 Iomraidhean Croise

Nehemaya 9:26

But with all dis tins, di pipol go against Yu. Dem nor gri obey Yu and dem turn from yor law. Dem kill di profets wey kom warn and tell dem to turn kom meet Yu. Dem curse Yu many-many times,

Nehemaya 9:30

Bikos of yor love, Yu dey patient with dem for many years. Yu send yor Spirit wey warn dem thru di profets. But yet, dem nor gri listin! So Yu allow oda nashons attack dem again.

Psalms 149:2

Israel pipol, make una happy bikos of di Pesin wey kreate una. Jerusalem pipol, make una praiz God well-well.

Psalms 17:8

Make Yu protet mi as pesin dey protet en own eye. Make Yu hide mi under yor feada.

Psalms 36:7

My God, si as I value yor love wey nor dey fail! Evribody dey save under yor feada shadow.

Psalms 57:1

My God, make Yu sorry for mi. Abeg, sorry for mi, bikos na Yu dey protet mi. I go hide under yor shadow until I don free from all dis wahala.

Psalms 81:13

How I wish my pipol go gri listin to mi! How I wish sey Israel pipol go follow mi kon do as I tell dem!

Psalms 91:4

E go kover yu with en feada and na der yu go dey save. Na en promise wey nor dey fail, dey guide and protet us.

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 50:2

Why my pipol nor ansa wen I go meet dem sey I go save dem? Why dem nor ansa wen I koll dem? I nor get pawa rish to save dem? But I fit kommand di sea make e dry kon turn river to desert, so dat di fish dem go die.

Jeremaya 2:30

“Even as I ponish una shidren rish, dem nor gri shange or listin as I dey korrect dem. Just as lion dey kill en enemy, na so too una don kill una profets finish.”

Jeremaya 26:23

Dem bring am kon give King Jehoiakim wey kill and beri am for where dem dey beri ordinary pipol put.)

Jeremaya 35:14

But Jehonadab shidren-shidren obey wetin e kommand, wen e sey make dem nor drink wine. And until naw, dem neva drink wine. Even doh I dey always tok to una, una nor gri obey mi.

Jeremaya 35:17

So, mi wey bi Israel God dey sey, ‘I go distroy Judah and Jerusalem pipol, even don I bin don promise dem good tins. I go do am, bikos una nor dey gri listin to anytin wey I tok and wen I koll una, una nor dey ansa.’ ”

Jeremaya 6:16

God tell en pipol, “Make una stop and look round. Mi, wey bi God, don tok. Ask for di old way wey bi God own and make una follow am.” But dem ansa, “Dat nor bi di way wey wi like to follow!”

Lamentashons 1:16

Bikos of dis tins; I kry well-well, but nobody dey to konfort or give mi hope. My shidren nor get future, bikos awa enemies don win us.

Lamentashons 4:13

But dis tin happen, bikos of di sin wey di profets and di priests kommit and bikos of di innocent pipol for di town, wey dem kill.

Hosea 11:2

But di more I dey koll am, di more e dey waka far from mi kon dey do sakrifice and burn incense give juju.

Hosea 11:7

Dem don gri sey dem nor go turn kom meet mi. Dem koll mi wey bi di Most High God, but I nor go raiz dem up at-all.

Joel 2:23

Zion pipol, make una happy, bikos of wetin Oga God do for una. Bikos E don give una rain. E send both di early and late rain kom meet una, just as E dey do before.

Zekaraya 1:4

Make una nor bi like una grand-grand papa dem. Before-before, my profets prish give dem sey, make dem stop to sin and do evil, but dem nor gri listin or obey dem.

Matiu 22:3

E send en savant go koll di pipol wey dem invite kom di party, but dem nor gri kom.

Matiu 22:6

Di oda one seize di savants, beat dem anyhow and kill some.

Luke 15:28

“Di senior broda kon dey vex and e nor gri enter house, so en papa kon beg am make e enter.

Luke 19:44

Dem go distroy una and una shidren and dem nor go leave one block on-top anoda, bikos di time wen God kom visit una, una nor know.”

Luke 23:28

But Jesus turn look dem sey, “Jerusalem wimen, make una nor kry bikos of mi, but make una kry for unasef and for una shidren.

Acts 7:52

E get any profet wey una grand-grand papa dem nor kill? Dem even kill di messenja wey tok before sey, ‘Di Raitious Man go kom and una go gi-am to wiked pipol and dem go kill-am.’

Acts 7:59

As dem dey stone Stefen, e kon pray, “Oga God, Jesus Christ, make yu receive my spirit.”

Acts 8:1

Saul happy wen dem dey kill Stefen. Na from dat day trobol start for di church wey dey Jerusalem and all di bilivers kon skata go Judea and Samaria, but na only di apostles nor run.

Deutronomi 32:29

How I wish sey dem get sense and fit undastand dis tins or know wetin go happen to dem.

Deutronomi 5:29

If to sey dem go just gri fear mi and obey all my kommand, e for dey well with dem and dia shidren-shidren forever.

Revelashon 11:8

Dia dead body go dey for di main street for Jerusalem wey pipol dey koll “Sodom and Egypt” and dis na di town where dem for nail Christ for cross.

Rut 2:12

God go bless yu for evritin wey yu dey do! Di Oga wey bi Israel God wey dey protet yu, go pay yu for all di good tins wey yu don do!”