Luke 11:41 - Holy Bible Nigerian Pidgin English

⁴¹ But make una from una heart give to pipol wey nor get, so dat evritin go dey klean for una.

Luke 11:41 Iomraidhean Croise

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Psalms 41:1

Na blessing go follow doz wey dey do good for poor pipol! God dey always save dem from trobol.

Proverbs 14:31

Doz wey dey opress poor pipol, dey kause God wey kreate dem, but to help poor pipol, na to honor God.

Proverbs 16:6

If pesin dey honbol and faithful, God go forgi-am en sins. If yu dey fear God, yu nor go gri do bad tins.

Proverbs 19:17

Wen yu give sometin to poor pipol, e bi like sey God dey borrow from yu and God go pay yu evritin wey E borrow.

Daniel 4:27

So, my king! Make yu follow my advise. Make yu turn from sin kom meet God; dey do good and sorry for poor pipol. Den yu go kontinue to prosper.”

Matiu 26:11

Poor pipol dey with una evritime, but mi, I nor go dey with una always!

Matiu 5:42

Give pipol anytin wey dem ask from yu and nor drive anybody wey kom borrow sometin from yu.”

Mark 7:19

Bikos nor bi di pesin heart e dey enter, na en belle and e go shit am komot. (Dis one mean sey all food dey klean.)”

Luke 12:33

Make una sell evritin wey una get and give di money to poor pipol. Bag wey nor go tear, make una take am gada betta tins for heaven, where tif nor go fit rish and siti-siti nor go fit spoil dem.

Luke 16:9

So I tell una true word, make una use una money well, so dat una go make friends for unasef and wen di money finish, God go welkom una for en kingdom wey go dey forever.

Luke 18:22

Wen Jesus hear wetin di man tok, e kon tell am, “E still get one tin wey yu neva do, make yu sell evritin wey yu get, give di money to poor pipol, den yu go get betta propaty for heaven. Afta dat, make yu kom follow mi.”

Luke 19:8

But Zakius stop kon tell Jesus, “Oga God si, I go give half of wetin I get to poor pipol and evribody wey I don shit before, I go pay am back four times!”

Acts 10:15

But di vois tell am, “Wetin God don make klean, make yu nor forbid am.”

Acts 11:29

So di disciples, evribody akordin to how e fit do rish, kon sey dem go send money go give di brodas wey dey Judea.

Acts 24:17

Afta many years, I kom Jerusalem back kon give gift to poor pipol and offa sakrifice.

2 Korintians 8:12

Bikos if e really dey una mind to do am, anytin wey una give akordin to wetin una get, God go asept am, but nor bi wetin una nor get.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

Titus 1:15

Evritin dey pure to doz wey dia heart dey pure. But nor-tin dey pure to doz wey bad tins full dia mind.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.