Luke 11:2 - Holy Bible Nigerian Pidgin English

² So Jesus tell dem, “Wen una dey pray, make una sey: “ ‘Awa Papa wey dey for heaven, wi greet yu, Make yor kingdom kom.

Luke 11:2 Iomraidhean Croise

1 Kings 8:43

My Oga God, make Yu listin to dia prayer. For heaven wey Yu dey, make Yu hear and do wetin dem sey make Yu do, so dat evribody for di world go know and obey Yu, just as yor pipol Israel dey do. Den dem go know sey dis temple wey I build, na di place where dem go for dey woship Yu.

2 Kings 19:19

Naw, my Oga God, make Yu save us with yor pawa, so dat all di kingdoms for dis eart go know sey na Yu bi Oga and di only God wey nor dey die.”

2 Kronikles 20:6

kon pray: “My Oga wey bi awa grand-grand papa God, na Yu bi God wey dey for heaven and na Yu dey rule di whole world. Na Yu get all pawa and nobody fit stand against Yu.

Psalms 103:20

So angels, make una praiz God: Di strong angels wey dey obey am and listin to all en kommand.

Psalms 108:5

My God, make all praiz bi yor own and make dem high pass di heavens. Make yor glory kover di whole eart.

Psalms 11:4

But God dey for en holy temple; E dey rule from heaven. E dey look as evribody dey live dia life for dis eart.

Psalms 57:11

My God, make Yu raiz pass di sky and make yor glory shine kon kover di whole eart.

Ekklesiastes 5:2

Make yu tink well-well before yu tok or before yu make promise give God. God dey heaven and yu dey dis eart, so make yu nor dey tok too mush.

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Ezekiel 36:23

Wen I show di kountries how my name dey holy and great rish; di name wey una dey disgrace, dem go know sey na mi bi God. Mi, God wey get pawa, don tok.” “I go use una take show di kountries sey I dey holy.

Daniel 2:28

But, e get one God wey dey for heaven wey dey open sekret and tell dreams. E don tell King Nebukadnezzar wetin go happen for future. Dis na di dream and vishon wey yu si:

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Daniel 7:18

And di pipol wey dey serve di Most High God go get royal pawa wey go dey forever and ever.’

Daniel 7:27

Di pawa and great tins wey di world get, God kom gi-am to pipol wey dey serve am. Dia royal pawa nor go ever end and rulers go serve and respet dem.’

Hosea 14:2

Make una turn kom meet God and pray to am sey: “Make Yu forgive us awa sin kon asept awa prayers, so dat wi go praiz Yu.

Levitikus 10:3

Moses tell Aaron, “Dis na wetin God tok: “ ‘Among di pipol wey dey klose to mi, I go show mysef holy to dem and for where evribody dey, na der dem go for honor mi.’ ” So Aaron nor tok anytin.

Levitikus 22:23

Una fit offa animal wey short or wey neva mature as ofrin from una mind, but I nor go asept am if una use am take pay for una vow.

Habakkuk 2:14

Just as wota full sea, na so too dem go know about God glory for evriwhere for dis world.

Matiu 10:32

“Anybody wey tok for publik sey en know mi, na so mi too go tok about am give my Papa for heaven.

Matiu 3:2

“Make una turn from sin kom meet God, bikos God Kingdom don near.”

Matiu 5:16

Like dat too, make yor lite shine well-well for where pipol dey, so dat dem go si di good tins wey yu dey do, wey go make dem praiz yor Papa wey dey heaven.”

Luke 11:1

One day Jesus dey pray for one place. Wen e pray finish, one of en disciples kon tell am, “Oga God! Make yu tish us how to pray, just as John tish en disciples.”

Romans 1:7

Rome pipol wey God love and koll make dem bi en own, na una I dey rite dis leta give. Make God awa Papa for heaven and Jesus awa Oga God give una grace and peace.

Romans 8:15

Di Spirit wey God give us nor go make us fear like slave, instead, wi bi God shidren and wi dey koll am, “Awa Papa!”

1 Korintians 1:3

Make grace and peace wey God and Oga God Jesus Christ dey give, bi una own.

2 Korintians 1:2

Make God awa Papa and Oga God Jesus Christ give una grace and peace.

Galatians 1:4

Na Jesus die for awa sins, bikos na so God awa Papa wont am.

Efesians 1:2

Make di grace and peace wey dey kom from God awa papa and from awa Oga God Jesus Christ, dey with una.

Filippians 1:2

Make God awa papa and Oga God Jesus Christ give una grace and peace.

Filippians 4:20

Make evribody give glory to God awa Papa, forever and ever. Amen.

Kolossians 1:2

To all God pipol for Kolosse, wey bi awa brodas and sistas for Christ. Make God awa Papa give una grace and peace.

1 Tesalonians 1:1

Na Paul, Silas and Timoti rite dis leta go give God and Jesus Christ pipol wey dey di church for Tesalonika. Make God grace and peace dey with una.

1 Tesalonians 1:3

Wi remember di work wey una don do thru faith and as una dey bear bikos of di hope wey una get about awa Oga God Jesus Christ.

2 Tesalonians 2:16

Naw I dey pray sey, God wey love and give us betta konfort thru en grace and hope,

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”

Revelashon 19:6

Den I hear many pipol vois wey bi like river and tonda nois dey shaut: “Halleluya! Na awa Oga God wey get all pawa dey rule!

Revelashon 20:4

Den I si thrones and pipol wey God don give authority to judge, sidan on-top di thrones. Doz wey dem kut dia head komot bikos of di trut about Christ and God word, I still si dem too. Dis ones nor woship di beast or en image and dem nor gri make dem put en mark for dia fore head or hand. Dis pipol raiz-up kom life kon rule with Christ for 1,000 years.