Luke 10:2 - Holy Bible Nigerian Pidgin English

² E tell dem, “Di fruit wey dem won plok, plenty, but pipol wey go plok dem, nor plenty rish. Make una pray make di Oga God wey get di farm send workers kon gada en fruit.

Luke 10:2 Iomraidhean Croise

1 Kings 18:22

Elijah kon tell dem, “Na only mi bi God profet wey remain, but Baal profet na 450.

Psalms 68:11

God tok di word; many wimen spread di good news sey:

Jeremaya 3:15

I go give una kings wey go obey mi and dem go rule una with wisdom and undastandin.

Zekaraya 11:17

“Doz wiked shepad go die finish! Dem don leave dia sheep. Dem nor go get pawa again; dem nor go fit karry dia hand take fight and dia eyes go blind.”

Zekaraya 11:5

Wen who get sheep kill en sheep, anybody go ponish am? E go sell di meat finish kon sey, ‘Make wi praiz God wey don give us plenty money!’ So who even get sheep, nor dey sorry for dem.”

Nombas 11:17

I go kom down kon tok with yu, I go take some of di Spirit wey dey inside yu kon put am inside dem and dem go help yu karry some of di wahala so dat yu nor go karry am on yor own.

Nombas 11:29

Moses ansa, “Yu dey jealous? I for wish sey God give en Spirit to all en pipol, so dat all of dem go dey profesai!”

Matiu 20:1

“God Kingdom bi like wen pesin komot for early morning go hire pipol wey go work for en farm.

Mark 13:34

E go bi like wen man dey travel go far. E leave en house make en savant look am, give dem work do kon tell di gateman make e wosh en house.

Mark 16:15

Jesus kommand dem sey, “Make una enter evriwhere for di world go prish di gospel give evribody.

Mark 16:20

Den, di disciples go evriwhere for di aria dey prish di gospel and Jesus dey do many mirakles thru dem, so dat pipol go know sey, wetin dem dey prish, na true.]

Luke 9:1

Afta Jesus don koll di twelf disciples togeda, e give dem pawa and authority to drive demon and to heal pipol wey nor well.

Acts 11:19

All di pipol wey skata komot from Jerusalem for di time wey dem kill Stefen kon travel go far place like Foenicia, Cyprus and Antiok, dey prish give only Jew pipol.

Acts 13:2

As dem dey fast and woship God, di Holy Spirit kon tell dem, “Make una separate Banabas and Saul for di work wey I wont make dem do.”

Acts 13:4

So Banabas and Saul wey di Holy Spirit send kon go Seleucia and from der, dem enter ship go Cyprus.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Acts 22:21

But di Oga God sey, ‘Go, bikos I go send yu go far-far go meet Gentile pipol.’ ”

Acts 8:4

So di pipol wey skata kon dey go from place to place dey prish di gospel.

1 Korintians 12:28

So for di church, God first choose apostles, before profets and tishas. E still choose some wey dey do mirakle, odas wey dey heal sick pipol, some wey bi leaders and odas wey dey tok with difren-difren language.

1 Korintians 15:10

But God kind! I bi wetin I bi and God mesi for mi, nor bi yeye tin. I dey work pass any oda apostle; aldo na God grace dey help mi.

2 Korintians 6:1

Naw, bikos wi bi fellow workers, wi dey beg una make una nor waste God grace wey una don receive.

Filippians 2:21

Di odas dey busy with dia own matter, but nor bi matter wey koncern Christ.

Filippians 2:25

But before dat time, I don tink am sey, e good make I send Epafroditus kom meet una. En na my broda, ko-worker and soja. Na una messenja e bi and e dey help mi anytime wey I nid anytin.

Filippians 2:30

bikos e nearly die bikos of Christ. E put en life for danger, so dat e go fit help mi do wetin una for do, since una nor dey here.

Kolossians 1:29

So na dis tins I dey struggol and work for akordin to en pawa wey dey work inside mi.

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

1 Tesalonians 2:9

But awa brodas and sistas, wi hope sey una remember as wi dey work for both day and nite, so dat as wi dey prish di gospel, wi nor go bi problem to una.

1 Tesalonians 5:12

Naw wi dey beg una, awa brodas and sistas, make una dey respet doz wey dey work, guide and tell una wetin to do about dis matter wey koncern Christ.

2 Tesalonians 3:1

Finally, my brodas and sistas, make una pray for us, so dat Christ message go kontinue to spread kon get glory just as e really get among una.

1 Timoti 4:10

Na dis make wi dey work hard and dey struggol, bikos awa hope dey with God wey dey alive and E dey save evribody, especially doz wey bilive am.

2 Timoti 4:5

But make yu kontrol yorsef for evritin. Nor fear to sofa for Christ. Dey do God work and dey tell odas about di Good News.

Filemon 1:1

Na Paul wey bi prisona bikos of Jesus Christ and awa broda Timoti rite dis leta to Filemon, awa dear broda and ko-worker.

Hibru 3:6

But as God Pikin, Jesus dey faithful for God house. So wi too go get share for di house if wi bilive and get konfident for awa hope wey dey inside Christ.

Revelashon 2:1

“Make yu rite di tins wey I won tell yu naw, go give di angel for di church wey dey Efesus: ‘Di Pesin wey whole di seven stars for en rite hand and dey waka round di seven lampstand, dey tell di pipol for di church sey: