Luke 10:15 - Holy Bible Nigerian Pidgin English

¹⁵ Una Kapanaum pipol, una tink sey God go just karry una go heaven? No, E go trow una for hell-fire.”

Luke 10:15 Iomraidhean Croise

Jenesis 11:4

Den dem sey, “Naw, make wi build one town wey go high rish di sky, so dat wi go make name for awasef, if not, wi go skata for evriwhere for di eart.”

Isaya 5:14

Deat go open en mout wide dey wait dem and all di big and betta pipol with doz wey dey celebrate for Jerusalem, go soon enter deat mout.

Jeremaya 51:53

Even if Babilon klimb go sky kon build strong house for der, I go still send pipol go distroy am. Mi, wey bi God, don tok.”

Ezekiel 26:20

I go take am go where dead body dey. I go make una stay for dat undagroun wey empty and na dead body go bi una friend. Bikos of dis, una nor go ever kom out or stay with pipol wey dey alive again.

Ezekiel 31:18

Na Egypt king and en pipol bi di tree. E get any tree for Eden wey tall and fine like una? But naw, like di trees for Eden, una go die kon join wiked pipol and doz wey dem kill for war. Dis na wetin Oga God tok.’ ”

Ezekiel 32:18

“Man pikin, kry for Egypt pipol. Send dem with di oda kountries wey get pawa go where dead body dey.

Ezekiel 32:20

Egypt pipol go fall with doz wey die for war. Yes! One swod dey ready to kill all of dem.

Ezekiel 32:27

Dem nor beri dem as dem bin dey beri pipol wey really fight and die for dia kountries; pipol wey dem beri with dia swod under dia head and dia shield for dia body. Dis pipol dey make pipol fear wen dem dey alive.

Obadaya 1:4

But even if una fly like eagle or build una house among di stars, I go bring una kom down!” Na so mi, God, tok.

Matiu 10:28

Make una nor fear who go fit kill di body and nor fit kill di soul. Instead, make una fear God wey fit distroy pesin soul and body for hell-fire.

Matiu 11:23

Una wey bi Kapanaum pipol, una feel sey una fit karry unasef go heaven? No! God go trow una for hell-fire, bikos if to sey dem do di mirakles wey dem do for una, for inside Sodom, di town for still dey till today.

Matiu 4:13

From der, Jesus komot from Nazaret go Kapanaum wey near di sea, where Zebulun and Naftali pipol dey stay,

Luke 13:28

“Una go kry dey grind tit wen una si Abraham, Isaak, Jakob and all di profets inside God Kingdom, but God go trow una for outside.

Luke 16:23

As di rish man dey for hell-fire dey sofa, e kon look up si Abraham for far with Lazarus for en korna.

Deutronomi 1:28

Na wetin go happen to us? Awa own brodas don make us dey fear, bikos dem sey, ‘Di pipol wey dey di land big well-well pass us; dia kountry dey big and dem fence am rish heaven. Wi still si Anak shidren-shidren for der too.’ ”

2 Pita 2:4

God nor sorry for di angels wey sin, E trow dem for hell and tie dem for darkness until di day wen E go judge di world.