Luke 1:30 - Holy Bible Nigerian Pidgin English

³⁰ Den di angel tell am, “Make yu nor fear, Mary, bikos God don favor yu!

Luke 1:30 Iomraidhean Croise

Jenesis 6:8

But di Oga God like Noah well-well, bikos e dey good for God eye.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 41:14

God sey, “Israel pipol, as una small and dey weak rish, make una nor fear, bikos I go help una. Mi wey bi Israel God wey dey holy, na mi bi di only Pesin wey go save una.

Isaya 44:2

Dis na wetin God tok, “Na mi kreate and form una for una mama belle kon help una, so make una nor fear, bikos una bi my savant; di pipol wey I choose and love.

Matiu 14:27

But Jesus tell dem, “Make una heart strong! Na mi, make una nor fear.”

Matiu 28:5

But di angel tell di wimen, “Make una nor fear, I know sey una dey look for Jesus Christ, wey dem nail for cross.

Luke 1:13

But di angel tell am, “Make yu nor fear Zekaraya, bikos God don hear yor prayer. Yor wife Elizabet go born boy pikin for yu and yu go koll am, ‘John.’

Luke 12:32

“Make una nor fear, una wey bi small sheep, bikos una Papa go happy to give una di kingdom.

Acts 27:24

kon sey, ‘Make yu nor fear Paul! Yu must face Caesar and God go save yu and evribody wey dey follow yu travel.’

Romans 8:31

Wetin wi go tok about all dis tins? If God dey for awa side, who go fit dey against us?

Hibru 13:6

So make wi get mind wey go make us fit sey, “Na God bi my helpa, so wi nor go fear. Wetin human being go fit do us?”