Luke 1:17 - Holy Bible Nigerian Pidgin English

¹⁷ E go first kom with Elijah spirit and pawa, before di Oga God ensef go kom. E go make papa setol with dia shidren and pipol wey nor dey obey God before, e go make dem obey am naw, so dat dem go dey ready to meet am for heaven.”

Luke 1:17 Iomraidhean Croise

1 Kings 17:1

E get one profet, en name na Elijah and e kom from Tishbe for Gilead. E go tell King Ahab, “As long as di Oga wey bi Israel God (wey I dey serve) dey alive, dew or rain nor go fall for some years, unless I kommand sey, make rain fall.”

1 Kings 18:18

Elijah ansa, “I nor bring wahala kom Israel. But na yu and yor papa family bring wahala as una abandon God kommand kon follow Baal.

1 Kings 21:20

Wen King Ahab si Elijah, e kon sey, “My enemy, yu don find mi si abi?” Elijah ansa, “Yes! I don find yu si. Yu don do wetin nor dey good at-all for God eye.

2 Kings 1:16

Elijah tell di king, “Dis na wetin God tok, ‘Wetin make yu send pipol go ask Baal-Zebub wey bi Ekron god? Na bikos yu tink sey Israel pipol nor get God wey yu fit ask? Bikos of dis, yu nor go stand from di bed wey yu dey so and yu must die.’ ”

1 Kronikles 29:18

God wey bi awa grand-grand papa Abraham, Isaak and Jakob God, make yor pipol always dey ready to obey Yu forever, so dat Yu go always make dem dey faithful to Yu.

2 Kronikles 29:36

King Hezekaya and all di pipol happy well-well for wetin God do for dem, bikos E kwik-kwik do am.

Psalms 10:17

Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 111:10

Na to obey God bi di rite way to get sense and evribody wey dey do wetin E tok, dey get sense and do well. So make praiz bi en own forever and ever.

Psalms 78:8

Dem nor go bi like dia grand-grand papa wey sturbon; pipol wey nor gri obey, listin or give dia heart to God.

Isaya 29:24

Doz wey dey foolish go undastand well and pipol wey dey always komplain, go get wisdom.”

Amos 4:12

Naw, Israel pipol, mi God go ponish una, so make una dey ready to face my judgement!

Matiu 11:14

And if una go gri with wetin I dey tok, John, na-im bi Elijah wey suppose to kom.

Matiu 14:4

“E marry Herodias wey bi en broda Filip wife.”

Matiu 3:3

Na dis John Profet Isaya tok about sey, “One pesin dey shaut inside wildaness sey, ‘Make una make God road strait.’ ”

Matiu 3:4

John wear klot wey dem use kamel hair make, e use leda belt tie waist and na lokust and honey for bush, e dey chop.

Luke 1:16

E go make many pipol follow God.

Luke 1:76

And yu, my pikin, pipol go koll yu God profet and na yu go-go prepare di road for di Oga God,

John 1:13

Dem go bi God shidren, nor bi as dia papa and mama take born dem from belle, or bikos somebody make dem so, but bikos God ensef make dem en own shidren.

John 1:34

I don si am and I bear witness sey, ‘Dis man na di pesin wey God choose.’ ”

John 3:28

Unasef go fit bear witness sey, I tok sey I nor bi di Christ, but God send mi kom, before Christ go kom.

Acts 10:33

So, I kon send pipol go koll yu and yu do well as yu kom. Na wi bi dis for God present, wi ready to hear wetin E sey make yu tell us.”

Romans 9:23

E dey do like dis to show en glory wen E pity for pipol wey E choose to show en glory.

Kolossians 1:12

Make una dey tank God, bikos E don make una share from wetin en pipol get for en kingdom wey dey give lite.

2 Timoti 2:21

So if yu keep yorsef without fault, yu go bi betta pesin wey Christ fit use as e dey do en good work.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.

1 John 2:28

Naw my shidren, make una stay inside am, so dat wen E kom, awa heart go dey strong well-well and shame nor go make us run from where E dey.

Revelashon 20:4

Den I si thrones and pipol wey God don give authority to judge, sidan on-top di thrones. Doz wey dem kut dia head komot bikos of di trut about Christ and God word, I still si dem too. Dis ones nor woship di beast or en image and dem nor gri make dem put en mark for dia fore head or hand. Dis pipol raiz-up kom life kon rule with Christ for 1,000 years.

1 Samuel 7:5

Den Samuel sey, “Make una gada evribody for Israel kom Mizpa and I go pray to God for una.”