Kolossians 3:2 - Holy Bible Nigerian Pidgin English

² Make una dey tink about tins for heaven, nor bi tins for dis eart,

Kolossians 3:2 Iomraidhean Croise

1 Kronikles 22:19

Naw, make una serve God with all una heart and soul. Make una start to build di temple, so dat una go fit put di Kovenant Box and all di holy tins wey dem take dey serve God, for inside.”

1 Kronikles 29:3

Even with all dis tins wey I don gada, I still give my silva and gold, bikos of di love wey I get for God Temple.

Psalms 62:10

So, make yu nor trust wetin yu get thru opreshon! Nor put hope for wetin yu tif! If yor money many, make yu nor too happy.

Psalms 91:14

God sey, “I go save pipol wey love mi. I go protet doz wey trust my name.

Proverbs 23:5

bikos yor money fit finish wons like sey e get feada kon fly leave yu like eagle.

Ekklesiastes 7:14

Wen God give yu money, make yu tank God and enjoy am, but wen sofa kom, make yu know sey e still kom from God too, bikos nobody go fit tok how tumoro go bi.

Matiu 16:23

But Jesus turn face Pita kon sey, “Satan, komot for my front! Yu bi stone wey block road, bikos yor mind nor dey for wetin God wont, but na wetin man wont.”

Matiu 6:19

“Make una nor just gada propaty for dis world, bikos siti-siti go chop dem or dem go rust or tif fit enter inside di house tif dem.

Luke 12:15

Den Jesus tell dem, “Make una guide against long-trot, bikos nor bi wetin pesin get for dis life go save am.”

Luke 16:11

If pipol nor trust yu with money for dis world, God nor go fit give yu en rishis for heaven.

Filippians 1:23

Naw, I know wish one I go choose, bikos I won go dey with Christ and na dat one betta pass.

Kolossians 3:1

So, if God raiz una with Christ, den make una put mind for tins wey dey heaven; di place where Christ for sidan for God rite side.

Kolossians 3:5

So make una kill evry bad karata wey dis world dey bring: Like to dey sleep with pesin wey una nor marry; dey bihave anyhow; follow dis world tins; dey do bad tins; long-trot and to serve juju.