Kolossians 3:16 - Holy Bible Nigerian Pidgin English

¹⁶ Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

Kolossians 3:16 Iomraidhean Croise

1 Kings 3:28

Wen Israel pipol hear how Solomon take judge di kase, all of dem kon dey respet am, bikos dem know sey na God gi-am di wisdom wey e take dey judge well.

1 Kronikles 25:7

Dem train dem and dia rilashons so dat dem go fit play music well for God and dem bi 288.

Nehemaya 12:46

Di tradishon to get kwayamasta wey go lead di pipol for praiz, hymns and tanksgivin don start since David and Asaf time.

Job 23:12

I dey always do wetin E tok; dey follow en words; nor bi my own.

Psalms 119:11

I don keep yor word for my heart, so dat I nor go sin against Yu.

Psalms 119:54

Anywhere wey I dey, na yor law bi di song wey I dey sing.

Psalms 138:1

My God, I tank Yu with all my heart; I go sing yor praiz for where evry oda gods dey.

Psalms 28:7

Na God bi my strent, my guide and I trust am with all my heart. My heart dey happy well-well, bikos God help mi. So, I go always dey sing dey tank am.

Psalms 32:7

Na God bi di place where I dey hide put and E dey protet mi from trobol. God surround mi with song and happiness from doz wey E diliver.

Psalms 71:23

I go shaut for joy kon sing with praiz, bikos Yu don save mi

Proverbs 14:8

Wise pipol know where dem dey go, but foolish pipol dey deceive demsef.

Proverbs 18:1

Pipol wey nor kare about odas, dey tink only about demsef; so dem nor go gri take korreshon from oda pipol.

Song of Songs 1:1

Dis na Solomon love song.

Isaya 10:2

Una dey opress poor pipol and nor gri give dem dia freedom. Una dey do like dis, so dat una go fit tif from shidren wey nor get papa and mama again and wimen wey dia husband don die.

Isaya 26:1

For day time, pipol go sing dis song for Judah land: “Awa town dey strong well-well! God ensef dey defend awa wall and na-im dey make us strong!

Isaya 30:29

But una go sing just as una dey do wen una dey do festival for evening; una go happy like pesin wey dey blow trumpet go woship for di Oga God mountin; di God wey dey protet Israel.

Isaya 5:1

Naw, I go sing to my love; I go sing about en vineyard. My love vineyard dey on-top one hill wey get betta soil.

Jeremaya 15:16

My Oga God wey dey mighty, anytime Yu dey tok to mi, I dey listin well-well and na joy and happiness full my heart, bikos I bi yor own.

Matiu 26:30

Afta dem sing one hymn, dem komot kon go Mount Olives.

Luke 2:51

Den Jesus follow dem go Nazaret kon dey do wetin dem tell am. But en mama keep all dis tins for mind.

John 15:7

If una stay inside mi and my word dey inside una, anytin wey una ask, I go do am for una.

Romans 10:17

So, nobody go fit get faith wen e neva hear di message and na thru Christ word, wi go fit hear am.

Romans 15:14

My friends, I dey sure sey una dey good; know God well-well and fit tish one anoda.

1 Korintians 14:15

So wetin I go do? Bikos e get time wey I go pray with my spirit and time wey I suppose pray with my mind. Sometaim, I suppose sing with my spirit and oda time, I go sing with my mind.

1 Korintians 14:26

My friends, wen una gada to woship, una must do evritin to help one anoda. Na so e suppose bi wen somebody dey tish, sing, profesai, tok with difren-difren language or dey esplain wetin di pesin tok.

Efesians 1:17

I pray make God, awa Oga God Jesus Christ Papa wey get glory, give una spiritual wisdom and revelashon, wey go make una know am well-well.

Efesians 5:17

Bikos of dis, make una get sense to undastand wetin awa Oga God word tok and mean.

Efesians 5:19

Make una dey tok to unasef with psalms, hymns and spiritual songs. For inside una heart, make una dey praiz God with hymns and psalms.

Efesians 5:26

so dat e go fit make am klean, thru baptizim and God word.

Kolossians 1:28

As wi dey tell evribody wetin dem go do, wi dey prish Christ and tish with wisdom, so dat wen wi go show una to Christ, una go don dey pafet.

Kolossians 1:9

Bikos of dis, wi too, since wi hear about una, wi neva stop to dey pray for una. Wi dey tell God make E show una wetin E wont, so dat una go dey wise and undastand God Spirit,

Kolossians 4:6

Make all of una word dey good and sweet like wetin dem put sugar, so dat una go know how to ansa evribody.

1 Tesalonians 1:8

Bikos nor bi only sey di message about Christ don rish evriwhere for Masidonia and Akaia, but dem don hear di news about una faith for evriwhere. So wi nor even nid to tok about una again.

1 Tesalonians 4:18

So make una dey enkourage each oda with all dis word.

2 Tesalonians 3:15

Make una nor si am as enemy, but make una korrect am as una broda.

1 Timoti 6:17

Make yu give dis kommand to rish pipol. Tell dem sey, make dem nor dey karry body up kon dey trust dia money wey nor get value and make dem dey trust God wey dey give us evritin wey wi nid to take enjoy dis life.

2 Timoti 3:15

Dem don tish yu God word since yu bi small pikin and yu don get salvashon to receive di wisdom wey dey kom thru Christ, wey yu trust.

Titus 3:6

God give us dis Spirit for free thru Jesus Christ wey bi awa Savior.

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.

James 5:13

If anybody dey sofa among una, make e pray. If anybody dey happy among una, make e sing dey praiz God.

1 John 2:14

I don rite give una, my shidren, bikos una don know God. I don rite give una wey bi papa, bikos una don know di pesin wey dey alive since God kreate di world. I don rite give una yong pipol, bikos una dey strong and God word dey inside una, as una don win Satan.

1 John 2:24

As for una, wetin una don hear from di biginnin, make una let am stay inside una. If wetin una hear from di biginnin stay inside una, una go stay inside di Pikin and en Papa.

1 John 2:27

As for una, di Holy Spirit wey Christ give una, dey stay inside una, so una nor nid anybody to tish una again. Evritin wey di Holy Spirit dey tish, na true and lie nor dey inside. Just as e don tish una, make una stay inside am.

2 John 1:2

Bikos di trut dey inside us, e go stay inside us forever.

Revelashon 14:3

Dem kon dey sing new song for di throne, di for creatures and di eldas front. Nobody fit learn di song, escept di 144,000 pipol wey God save from dis eart.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.

Revelashon 19:10

So, I kon bow make I for woship di angel, but e sey, “Nor do dis tin! I bi savant and broda like yu wey whole di trut about Jesus well. Make yu woship only God, bikos na di profesy spirit bi di true word about Christ.”

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.