Joshua 8:1 - Holy Bible Nigerian Pidgin English

¹ God tell Joshua, “Make yu nor fear or bigin shake! Take all di sojas make una mash go Ai! Si, I dey give yu Ai king, plus di pipol and di town.

Joshua 8:1 Iomraidhean Croise

Psalms 27:1

Na God bi my lite and my salvashon, so na who I go kon dey fear? Na en dey guide and protet mi from danger, so wetin go make mi dey shake?

Psalms 44:3

Dem nor win di land with dia swod and nor bi dia own strong hand make dem win, but na yor rite and strong hand with di shinin-shinin lite from yor face, help dem, bikos Yu love dem.

Psalms 46:11

God wey dey lead heaven sojas dey with us and na Israel God dey protet us.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Jeremaya 46:27

“So make my pipol, Israel nor fear! Make una heart nor shake. I go save una from dat land wey far wey una for bi prisonas. Una go kom back to una land kon stay for peace. Una go dey save and nobody go make una fear again.

Jeremaya 49:3

Heshbon pipol, make una kry, bikos dem don distroy Ai! Rabbah wimen, make una wear sak klot kon mourn. Make una dey konfuse, bikos dem go karry una god, Molek with en priests and princess, go anoda kountry.

Daniel 2:21

Na-im dey shange time and sizin; dey make and distroy kings. E dey give wisdom, undastandin and knowledge to wise pipol.

Daniel 4:25

Dem go drive yu komot from where human being dey stay and yu go stay with animals. Na seven years yu go take chop grass like melu and yu go sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Matiu 8:26

Jesus ansa dem, “Una faith small o-o. Wetin make una dey fear?” Den e get up, kommand di breeze and di wave sey, make dem stop and evriwhere kon kwayet at wons.

Deutronomi 1:21

Si! E don put di land for una front. So make una go take am, just as God promise una. Make una nor fear anytin! Make una heart strong!

Deutronomi 31:8

God go-go for yor front. E go dey with yu; E nor go leave or forget yu. Make fear nor katch yu and make di work nor taya yu.”

Deutronomi 7:18

Make una nor fear. Make una remember wetin di Oga una God do to Fero and Egypt pipol;

Deutronomi 7:21

So make una nor fear doz kountries, bikos di Oga una God dey with una and E bi God wey dey great and wonderful.

Joshua 1:9

I dey tok again, so dat yu go dey strong kon get heart! Make yu nor fear or shake, bikos mi wey bi di Oga yor God, I dey with yu for evritin wey yu dey do.”

Joshua 10:7

So Joshua, en sojas and di ones wey get heart well-well kon from Gilgal mash go Gibeon.

Joshua 10:8

God tell Joshua, “Make una nor fear, bikos I dey give dem to una. Non of dem go fit stop una.”

Joshua 2:24

Dem tell Joshua, “True-true, God don really give us di land, bikos evribody wey dey stay di land dey fear us well-well!”

Joshua 6:2

God kon tell Joshua, “Si, I won distroy Jeriko for una, plus di king and en sojas.

Joshua 7:9

Wen Kanaan pipol and evribody wey dey stay di land go hear wetin happen so, all of dem go kom distroy us and nobody go remember us. My Oga God, wetin Yu go do to keep yor respet?”